កីឡាករ Salah បានបញ្ជាក់ថាខ្លួនមានគម្រោងក្នុងការលេងឱ្យ Liverpool យូរឆ្នាំទៀត ដើម្បីដកស្រង់បទពិសោធជាមួយក្លឹបនៅអង់គ្លេសមួយនេះ។
ខ្សែប្រយុទ្ធខាងលើ បានទទួលពានរង្វាន់ Player of the Season និង Player’s Player award កាលពីយប់មិញនេះ។ ក្នុងឱកាសនោះដែរ កីឡាករអេហ្សីបបាននិយាយថាខ្លួនសប្បាយចិត្តក្នុងរដូវកាលដំបូងជាមួយក្រុម Liverpool ។ រូបគេមានគម្រោងនៅជាមួយក្រុមនេះយូរឆ្នាំទៀត ដើម្បីសម្រេចបំណងលើកពានជាមួយក្រុមហង្សក្រហម ក៏ដូចជាសិក្សាឱ្យបានច្រើនពីលោក Klopp ។
Salah ទើបតែចូលលេងឱ្យក្រុមហង្សក្រហមរដូវកាលនេះទេ ប៉ុន្តែរូបគេបានក្លាយជាកីឡាករសំខាន់ក្នុងក្រុម។ អ្វីដែលពិសេសទៀតនោះ អតីតកីឡាករ Chelsea រូបនេះ រកបាន៤៣គ្រាប់ហើយគិតគ្រប់ប្រកួតទាំងអស់ឱ្យ Liverpool ហើយថែមទាំងជួយក្រុមនេះឡើងវគ្គផ្ដាច់ព្រ័ត្រ UEFA Champions League ថែមទៀតផង៕
ប្រភព៖ Daily Mail
