គ្រាន់តែលឺពាក្យថាពានមាស ច្បាស់ណាស់គ្រប់គ្នាប្រាកដជានឹកដល់ឈ្មោះក្រុម Arsenal មុនគេ។
គួររំលឹកផងដែរថាកាលពីរដូវកាល 2003-2004 Arsenal បានក្លាយជាម្ចាស់ឯក Premier League ដោយមិនស្គាល់ពាក្យថាចាញ់។ មិនខុសទេ គឺមិនដែលចាញ់សោះ ឈ្នះ២៦ ស្មើ១២ គ្រានោះដែរសហព័ន្ធបាល់ទាត់អង់គ្លេស បានសម្រេចផ្តល់ពានរង្វាន់ពិសេសមួយដល់ក្រុម Arsenal គឺពានរង្វាន់ Barclays Premier League Champions Trophy ធ្វើពីមាស។ ដែលមានតែគត់នៅអង់គ្លេសគ្មាន២ទេក្រៅពីក្លឹបដែលមានទីតាំងនៅទីក្រុងឡុងដ៏មួយនេះ។
ចុះលីគផ្សេងក្រៅពី English Premier League មានពានមាសនេះដែរ ?
ក្រឡេកមកមើលលីគអាឡឺម៉ង់ Bundesliga វិញពេលនេះក្លឹប Leverkusenកំពុងតែធ្វើបានល្អដោយមិនទាន់ស្គាល់ចាញ់ឡើយមិនមែនតែក្នុងលីគប៉ុណ្ណោះទេ ពោលគឺមិនទាន់ស្គាល់ចាញ់សោះគ្រប់ការប្រកួតទាំងអស់នៅរដូវកាលនេះ។
Leverkusen បានក្លាយជាម្ចាស់ជើងឯក Bundesliga 2023-24 រួចទៅហើយតាំងពី៥ប្រកួតមុនបញ្ចប់រដូវកាលមកម្ល៉េះ ប៉ុន្ដែអ្វីដែលអ្នកគាំទ្ររង់ចាំមើលនោះ ថាតើក្លឹបដែលដឹកនាំដោយ Xabi Alonso អាចឈ្នះគ្រប់ការប្រកួតទាំងអស់ដោយមិនស្គាល់ពាក្យថាចាញ់ នឹងអាចមានវាសនាលើកពានមាសដូច Arsenal បានទេ ? ខណៈដែល នៅសល់តែ៤ប្រកួតទៀតប៉ុណ្ណោះ។
៤ប្រកួតរបស់ Leverkusen ដែលនៅសល់
– Leverkusen vs Stuggart
– Eintracht Frankfurt vs Leverkusen
– Bochum vs Leverkusen
– Leverkusen vs Augsburg