Angel di Maria ក៏កំពុងបង្ហាញការត្អូញត្អែរផងដែរ អំពីអនាគតរបស់ខ្លួន ខណៈដែលការប្រកួតពានរង្វាន់ FIFA World Cup កាន់តែកៀកជិតចូលមកដល់។ មានន័យថា បើកីឡាករមិនអាចរកបានទ្រនំសមគួរទេនោះ ដូច្នេះឱកាសក្នុងការកោះហៅទៅចូលរួមជួយជម្រើសជាតិអាហ្សង់ទីន ក៏ប្រាកដនឹងមានទាបទៅតាមនោះដែរ។
បុរសវ័យ ៣៤ ឆ្នាំក្រោយដើរចេញពី PSG ក៏មានចចាមអារ៉ាមថាគេអាចជាផ្លាស់ទៅក្លឹប Juventus ឬអាចជា Barcelona។ ការផ្ទេរពេលខាងមុខ ជាការផ្ទេរនៅលក្ខខណ្ឌឥតតម្លៃខ្លួន។ និយាយមុនព្រឹត្តិការណ៍ World Cup ចូលមកដល់នៅថ្ងៃទី ២១ វិច្ឆិកា ដែលអាហ្សង់ទីនស្ថិតក្នុងពូល C ត្រូវប៉ះអារ៉ាប៊ីសាអ៊ូឌីត ម៉ិកស៊ីកូ និងប៉ូឡូញ ក៏ត្រូវបាន Di Maria លើកឡើងដូច្នោះ៖ “មានតែ Lionel Messi ទេ អាចធានាតំណែងរបស់គាត់បាន នេះ ៤ ខែសេសសល់ទៅមុខទៀត គ្មាននរណាអាចដឹងជាមុនឡើយ”។
លោកសង្កត់ធ្ងន់៖ “ខ្ញុំក៏នឹងត្រូវប្តូរក្លឹប ហើយត្រូវសម្របខ្លួនជាថ្មីម្តងទៀត តែយ៉ាងណាការលេង ជាមួយអារម្មណ៍ដ៏ល្អ នឹងអាចធ្វើឲ្យមានរឿងខុសប្លែកកើតឡើង”។ រំឭកឲ្យដឹង Di Maria ជាកីឡាករបង្ហាញខ្លួនច្រើនបំផុតឲ្យជម្រើសជាតិលំដាប់ទី ៤ ដោយ ១២២ ប្រកួត នៅចាញ់តែ Javier Zanetti មាន ១៤៥ ប្រកួត Javier Mascherano មាន ១៤៧ ប្រកួត និង Messi មាន ១៦២ ប្រកួត៕
ប្រភព៖ TNT Sport