តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Diamond FT។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Diamond FT ជាក្រុមដែលបង្កើតឡើងតាំងតែពីឆ្នាំ ២០១៦ ពោលមានអាយុកាលជាង ៦ ឆ្នាំហើយ ដោយក្រុមមានមូលដ្ឋានស្ថិតក្នុងទីក្រុងភ្នំពេញ គ្រប់គ្រងដោយប្រធាន លោក លាង កក្កដា បានលើកឡើងយ៉ាងដូច្នោះថា៖
“ខ្ញុំចង់ផ្ញើសារចែករំលែកទៅកាន់យុវជនជំនាន់ក្រោយទាំងអស់ គួរងាកមកលេងកីឡាដេីម្បីសុខភាព ហេីយជៀសឆ្ងាយពីគ្រឿងញៀន ដែលជាអំពេីសង្គមមិនរាប់រក ហើយចំពោះឆន្ទៈនៃក្រុមពេលទៅមុខ គឺពួកយើងចង់ពង្រឹងសម្ថភាព ដេីម្បីមានឱកាសអាចចូលរួមប្រកួតពាន លក្ខណៈ Futsal នៅក្នុងប្រទេសកម្ពុជា”។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
“ក្រុមយើងខ្ញុំសូមអរគុណទៅដល់ក្រុមហ៊ុន 2MBET និងក្រុមការងារ CTS Sport ទាំងអស់ ដែលបានឧបត្ថម្ភឈុតកីឡាយ៉ាងស្រស់ស្អាតដល់ក្រុមយើងខ្ញុំ ជាចុងក្រោយសូមជូនពរឲ្យក្រុមហ៊ុន 2MBET ទទួលបានការគាំទ្រកាន់តែច្រើនឡើងៗ”៕