តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Blue City។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Blue City ឬ B16 United ជាក្រុមដែលទើបបង្កើតឡើងថ្មីបាន ២ ខែ ដោយសរុបសមាជិកមកទល់ពេលនេះ មានចំនួន ១៥ នាក់។ ក្រុមមានមូលដ្ឋានស្ថិតក្នុងទីក្រុងភ្នំពេញ គ្រប់គ្រងដោយប្រធានក្រុម យុវជន អ៊ុំ ស៊ីណា បានលើកឡើងយ៉ាងដូច្នោះថា៖
“ការបង្កើតក្រុមនេះឡើង គ្រាន់តែពួកយើងចង់ឆ្លៀតពេលវេលាលេងដើម្បីសុខភាព យកកីឡាបាល់ទាត់ប្រៀបដូចជាការហាត់ប្រាណមួយ និងឈរលើគោលជំហរជៀសឆ្ងាយពីគ្រឿងញៀន”។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
“អរគុណដល់ 2MBET សម្រាប់ការឧបត្ថម្ភជាឈុតកីឡា ដែលនេះអាចសម្រួលដល់ក្រុមយើងខ្ញុំច្រើន រួចក៏អាចមានឈុតកីឡាគ្រប់គ្រាន់ដើម្បីលេងនិងហ្វឹកហាត់ជូនពរឲ្យក្រុមហ៊ុនកាន់តែរីកចម្រើន មានអតិថិជនកាន់តែច្រើនឡើងបន្ថែមទៀតទៅពេលអនាគត”៕