តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Rose FC។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Rose FC ជាក្រុមដែលទើបតែបង្កើតឡើងបាន ៥ ខែប៉ុណ្ណោះ ហើយមានសមាជិកសរុបចំនួន ១៥ នាក់។ ក្រុមមានមូលដ្ឋាននៅឯទឹកដីរាជធានីភ្នំពេញមួយនេះ គ្រប់គ្រងដោយប្រធានក្រុម លោក ខាន់ សុវត្ថិសុីងគូរ ហើយបានចែករំលែកសារ ផ្ញើទៅកាន់យុវជនផ្សារភ្ជាប់ទៅក្នុងវិស័យបាល់ទាត់ដូច្នោះថា៖
“ខ្ញុំចង់សំណូមពរឲ្យពួកគាត់ឆ្លៀតលេងកីឡាបាល់ទាត់ មិនថាតែការលេងលក្ខណៈតារាង Futsal ឬក៏ដាក់ឈ្មោះលេងឲ្យក្រុមតាមស្ថាប័នណាមួយ ដើម្បីប្រកួតប្រជែងយកពាន អ្វីដែលសំខាន់ កីឡានាំមកនូវសុខភាព វិន័យ និងសេចក្តីថ្លៃថ្នូរ”។
យុវជនខាងលើក៏បង្ហើបពីឆន្ទៈនៃក្រុមរបស់ខ្លួនបែបនេះ៖
“ខ្ញុំមានក្តីស្រមៃចង់ឲ្យសមាជិកទាំងអស់ប្រឹងប្រែងលេងឲ្យអស់ពីលទ្ធភាព និងទៅតាមពេលវេលាដែលមាន ហើយប្រសិនជាអាចចង់ឲ្យមានការប្រមូលផ្តុំហ្វឹកហាត់ ដើម្បីត្រៀមខ្លួនទៅចូលរួមនៅការប្រកួតក្នុងក្របខ័ណ្ឌកម្រិតណាមួយ ដែលរៀបចំឡើងដោយសហព័ន្ធកីឡាបាល់ទាត់កម្ពុជា”។
ចុងក្រោយ ប្រធានក្រុម Rose FC ក៏បានបញ្ជាក់៖
“ខ្ញុំសូមធ្វើការថ្លែងអំណរគុណយ៉ាងជ្រាលជ្រៅដល់ក្រុមហ៊ុន 2MBET ដែលបានឧបត្ថម្ភទៅលើសម្ភារៈកីឡា ដូចជាសំលៀកបំពាក់ ហើយសូមជូនពរឲ្យក្រុមហ៊ុនទទួលបានការគាំទ្រកាន់តែច្រើនបន្ថែមទៀតពីសំណាក់អតិថិជន”៕