ដ្បិតបើរកបាន ២ គ្រាប់កាលពីវគ្គ ៤ ក្រុម ជាចំណែកធំ ជួយឲ្យក្លឹប Real Madrid អាចឆ្លងទៅកាន់វគ្គផ្តាច់ព្រ័ត្រ និងទម្លាក់ក្លឹបខ្លាំង Man City តែយ៉ាងណា Rodryo Goes នៅតែចាញ់ភ្នាល់ឪពុក ដោយត្រូវការមួយគ្រាប់ទៀតជាចាំបាច់ ហើយប្រុងនឹងសម្រេចឲ្យបាននៅវគ្គចុងក្រោយ ខាងមុខ ដែលកំណត់ប៉ះ Liverpool នាវេលាម៉ោង ០២:០០ នាទីទាបភ្លឺ ឈានចូលថ្ងៃទី ២៨ ឧសភា មានផ្សាយផ្ទាល់លើទំព័រ CTS Sports។
នោះគឺកីឡាករប្រេស៊ីល បានភ្នាល់ថានឹងរកឲ្យបាន ៣ គ្រាប់នាវគ្គពាក់កណ្តាលផ្តាច់ព្រ័ត្រឡើងទៅនេះ តែឥឡូវទើបសម្រេចបាន ២ គ្រាប់ប៉ុណ្ណោះ។ Rodrygo និយាយ៖ “ខ្ញុំបានភ្នាល់ជាមួយឪពុកខ្ញុំ ថានឹងរកឲ្យបាន ៣ គ្រាប់ ឥឡូវខ្ញុំរកបាន ២ ហើយ ដោយនៅខ្វះមួយគ្រាប់ទៀត ខ្ញុំនឹងសម្រេចឲ្យបាននៅវគ្គផ្តាច់ព្រ័ត្រខាងមុខ”។
គេបន្តថា៖ “ជាមួយនឹងការគ្រងឈុតពណ៌សនេះ គ្រប់យ៉ាងគឺអាចកើតឡើងទៅបាន យើងនឹងតស៊ូដល់ទីបញ្ចប់ ហើយគ្មានអ្វីដែលអាចរៀបរាប់បានទេ អំពីអ្វីដែលនឹងកើតឡើងកន្លងមក ព្រោះយើងប៊ិះតែនឹងស្លាប់ហើយ តែព្រះជាម្ចាស់បានជួយពួកយើង ក៏ដូចជាសំឡេងហ៊ោកញ្ជ្រៀវក្នុងកីឡដ្ឋាន ជាអ្នកជំរុញចិត្តយើង”៕
ប្រភព៖ Goal