លោក Jurgen Klopp បានព្រមានកូនក្រុមថា Manchester United អាចជាក្រុមរារាំងដំណើរឆ្ពោះទៅប្រជែងពានរង្វាន់ Premier League រដូវកាលនេះ ប្រសិនបើមើលស្រាលការប្រកួត។
ក្រុមហង្សក្រហម Liverpool នឹងត្រូវតតាំងជាមួយក្រុម Manchester United នៅរាត្រីម៉ោង២រំលងអាធ្រាត្រនេះហើយក្នុងពានរង្វាន់ English Premier League ។ ជំនួបនេះដែរនឹងល្អមើលជាក់ជាមិនខាន ព្រោះក្រុម Liverpool ចង់បាន៣ពិន្ទុដើម្បីឡើងទៅឈរនៅកំពូលតារាងបណ្ដោះអាសន្ន ខណៈដែលក្រុម Man Utd វិញចង់បានពិន្ទុដូចគ្នាដើម្បីប្រជែងកៅអីលេខ៤។
មុនការប្រកួតចាប់ផ្ដើម លោក Klopp អ្នកចាត់ការក្រុម Liverpool បាននិយាយថា៖ “យើងមិនមែនប៉ះក្រុមដែលមានបញ្ហានោះទេ យើងប៉ះក្រុម Manchester United ។វាអាចងាយស្រួលដើម្បីទាយ ប៉ុន្តែអ្នកត្រូវចាំថាការប្រកួតមិនអាចដឹងមុននោះទេ។ អ្នកអាចទាយកីឡាករដែលពួកគេដាក់ ប៉ុន្តែក៏មិនប្រាកដថា១១នាក់មាននរណាខ្លះដែរ។ នេះជាអ្វីដែលយើងនឹងត្រូវជួប វាជាអ្វីដែលយើងត្រូវរៀបចំ។ ប្រសិនបើយើងឱ្យពួកគេលេង នោះវានឹងជាបញ្ហាសម្រាប់យើង ពួកគេមិនមែនជាក្រុមដែលកំពុងមានបញ្ហាឡើយ”៕ប្រភព៖ DailyMail