ក្លឹប Wolverhampton Wanderers ដែលកំពុងតែស្ថិតក្នុងការប្រកួតប្រជែងដ៏មមាញឹកនៅក្របខ័ណ្ឌ Premier League ពេលនេះស្រាប់តែត្រូវរបួសកីឡាករសំខាន់ គឺខ្សែបម្រើ Ruben Neves ហើយទាមទារពេលវេលាសម្រាកយ៉ាងហោចណាស់មួយខែ។
Neves គេរបួសកាលពីប្រកួតទល់ Leeds United សប្តាហ៍មុន ហើយក្រោយធ្វើការពិនិត្យយ៉ាងដិតដល់ពីក្រុមគ្រូពេទ្យ ក៏វិនិច្ឆ័យឃើញថា គេរងរបួសផ្នែកជង្គង់ ហើយមានការឈឺចាប់ខ្លាំងត្រង់ផ្នែកសរសៃពួរ។ តាមការបង្ហើបពីគេហទំព័រផ្លូវការក្លឹប សម្រាប់កីឡាករព័រទុយហ្គាល់ខាងលើ ទំនងជានឹងវិលមកវិញ យ៉ាងហោចណាស់នៅខែឧសភាឯណោះ។
នេះគឺសមល្មមនឹងពេលវេលាដែលក្លឹប Wolves កៀកបញ្ចប់រដូវកាលនៅ Premier League ទៅហើយ។ ប្រកួតសំខាន់បន្តបន្ទាប់របស់ក្លឹបដឹកនាំដោយលោក Bruno Lage គឺត្រូវជួប Chelsea, Norwich City, Liverpool និង Manchester City សុទ្ធសឹងជាគីឡូធ្ងន់។ គិតត្រឹមជុំទី ៣០ ក្លឹបចចក ឈរលេខ ៨ មាន ៤៦ ពិន្ទុ ចាញ់ ៤ ពិន្ទុធៀបនឹងក្រុម Top 6៕
ប្រភព៖ Sportsmole