ក្លឹបកាំភ្លើងធំ Arsenal ត្រូវបានគេរាយការណ៍ថា កំពុងចាប់អារម្មណ៍ចង់បានខ្សែប្រយុទ្ធ Eden Hazard ចេញពីក្លឹប Real Madrid។ ជាការពិតបុរសវ័យ ៣១ ឆ្នាំ ធ្វើមិនបានល្អនោះទេ ជាមួយក្លឹបយក្សអេស្ប៉ាញ ហើយរយៈពេលចុងក្រោយក៏កាន់តែធ្លាក់ជើង នាំឲ្យកើតមានចចាមអារ៉ាមគ្រោងចាកចេញ ស្ថិតនៅភាគរយខ្ពស់។
ការវិលត្រលប់មក Chelsea វិញ គឺជារឿងដែលមិនអាចទៅរួច ព្រោះអីក្លឹបកំពុងជួបបញ្ហាហិរញ្ញវត្ថុ ក្រោយមានការដាក់ទណ្ឌកម្មទៅលើម្ចាស់ក្លឹបលោក Roman Abramovich។ បើតាមសារព័ត៌មាន Foot Mercato ចុះផ្សាយថា Arsenal បាននឹងកំពុងចូលចរចា រវាងភាគីក្លឹប Real Madrid ហើយ ដើម្បីសិក្សាពីលទ្ធភាពក្នុងការនាំយកកីឡាករបែលហ្សិក មកកាន់ទឹកដីទីក្រុងឡុង។
សុពលភាពកុងត្រារបស់ Hazard សេសសល់ដល់ចុងខែមិថុនា ឆ្នាំ ២០២៤ ឯណោះ រីឯហាងឆេងថ្លៃខ្លួន អាចធ្លាក់ចុះទាបមកសល់ត្រឹម ៣០ ទៅ ៤០ លានអឺរ៉ូប៉ុណ្ណោះ។ ជាមួយការបង្ហាញខ្លួនសរុប ៦៥ ប្រកួត រកបានតែ ៦ គ្រាប់និង Assist ១០ លើកគត់ឲ្យ Madrid។ គេមិនចាកចេញ ក៏គេនឹងក្លាយជាស្រមោលដែរ ព្រោះអី Real ដាក់គោលដៅនឹងសម្រេចការនាំយក Kylian Mbappe ក៏ដូចជា Erling Haaland រួចជាស្រេច សម្រាប់ផែនការណ៍រដូវកាលថ្មី៕
ប្រភព៖ Foot Mercato