Nunez បានបង្កឱ្យមានភាពមិនច្បាស់លាស់អំពីអនាគតរបស់គាត់ដោយលុបរូបភាពដែលទាក់ទងនឹង Liverpool ទាំងអស់ចេញពីគណនី Instagram របស់គាត់ បន្ទាប់ពីគាត់ត្រូវបានអ្នកគាំទ្ររិះគន់ចំពោះការខកខានឱកាសមួយទល់នឹងមួយជាមួយអ្នកចាំទីទល់នឹង Tottenham កាលពីថ្ងៃអាទិត្យមុន។ បន្ទាប់មកគាត់ត្រូវបានគេប្រទះឃើញថតរូបលេងជាមួយមិត្តរួមក្រុមអ៊ុយរូហ្គាយរបស់គាត់ខ្សែការពារ Ronald Araujo របស់ Barcelona នៅរដ្ឋធានី Catalan ដោយជំរុញឱ្យមានការរំពឹងទុកថាគាត់ចង់ចូលរួមជាមួយក្លឹបយក្សអេស្ប៉ាញដែលកំពុងចាប់អារម្មណ៍ក្នុងការចុះហត្ថលេខាលើគាត់។Klopp បានបដិសេដទាំងស្រុងក្នុងការនិយាយបែបនេះ ហើយទទូចឱ្យមានការរំពឹងទុកណាមួយបន្ទាប់ពីអនាគតរបស់ Nunez គឺ “មាត់ចាបមាត់ព្រាបពីខាងក្រៅ” ។ គាត់បានការពារកីឡាករដែលស៊ុតបញ្ចូលទីបាន ១៨គ្រាប់ និង បញ្ជូនបាល់១២ដងក្នុងរដូវកាលនេះសម្រាប់ក្រុម Liverpool ដោយអះអាងថាគាត់ត្រូវរងនៅភាពអយុត្តិធម៌ដោយសារតែខកខានក្នុងការរកគ្រាប់បាល់មិនបានក្នុង ៨ប្រកួតចុងក្រោយរបស់គាត់។ Nunez ជាប់ចំណាត់ថ្នាក់លេខ២ក្នុងបញ្ជី Premier League សម្រាប់កីឡាករដែលខកខានឱកាសធំៗក្នុងរដូវកាលនេះ ហើយ Klopp និយាយថាគាត់កំពុងរងការរិះគន់ដោយសារតែទម្រង់លេងមិនល្អរបស់គាត់ស្របពេលជាមួយនឹងការធ្លាក់ចុះទម្រង់លេងរបស់ Liverpool។ គ្រូបង្វឹកហង្សក្រហមរូបនេះបាននិយាយថា៖
“គ្មានការរំពឹងទុកទេ។ នោះគ្រាន់តែជាការស្មានពីខាងក្រៅប៉ុណ្ណោះ ព្រោះខ្ញុំមិនបានដឹងរឿងនេះទេ។”
“មិនមានការរំពឹងទុកទេឥឡូវនេះ។ វាគ្រាន់តែជាស្ថានភាពដែលយើងកំពុងស្ថិតនៅផ្ទៃក្នុង ហើយបាទ! ពិតណាស់! Darwin ពិតជាមិនសប្បាយចិត្តនឹងការបាត់បង់ឱកាសនោះ។ គាត់មានសំណាងដែលមានឱកាស តែគាត់សំណាងអាក្រក់ក្នុងស្ថានភាពជាច្រើនដែលគាត់ព្យាយាមធ្វើអ្វីគ្រប់យ៉ាងត្រឹមត្រូវ ហើយបន្ទាប់មកបាល់នៅតែមិនចូល។ វាពិតជាលំបាកណាស់សម្រាប់យុវជនម្នាក់នេះ វាពិតជាលំបាកណាស់។ គាត់ដឹងពីការរំពឹងទុកនៅទីនេះ គាត់មានការរំពឹងទុកដ៏ធំនៅលើខ្លួនគាត់។ វាពិបាក ហើយអ្នកត្រូវតែឆ្លងកាត់រឿងនេះ។ វាគ្មានជម្រើសក្នុងការឆ្លងកាត់រឿងនេះទេ ហើយគាត់នឹងត្រូវឆ្លងកាត់វា។ នោះហើយជាអ្វីដែលគាត់កំពុងធ្វើនៅពេលនេះ។ យើងបានព្យាយាមជួយគាត់ ប៉ុន្តែនៅទីបញ្ចប់ គាត់ត្រូវតែឆ្លងកាត់វាដោយខ្លួនឯង។ អ្នករាល់គ្នាត្រូវឆ្លងកាត់ចំណុចនេះ និងផ្នែកនេះនៃអាជីពរបស់កីឡាករបាល់ទាត់” ។
ប្រភព បរទេស