លោក Carlo Ancelotti អ្នកចាត់ការទូទៅរបស់ក្លឹប Real Madrid មិនមានការព្រួយបារម្មណ៍ភ័យខ្លាចជុំវិញការរងរបួសរបស់ Aurelien Tchouameni នោះទេ ព្រោះនៅពេលជាងបីសប្តាហ៍ទៀតសម្រាប់ការប្រកួតវគ្គផ្តាច់ព្រ័ត្រ Champions League នៅ Wembley ។ ខ្សែបម្រើសញ្ជាតិបារាំងរូបនេះបានបង្ហាញខ្លួនបាន៦៨នាទី ទល់នឹង Bayern Munich ថ្ងៃបន្ទាប់ត្រូវបានគេធ្វើរោគវិនិច្ឆ័យថាមានរបួសជើង។
លោក Ancelotti បានប្រាប់សារព័ត៌មានថា ការប្រារព្ធពិធីអបអរជើងឯកសម្រាប់ក្រុម Los Blancos គឺធ្វើឡើងក្នុងសប្តាហ៍នេះ
“យើងត្រូវធ្វើរឿងជាច្រើន, ថ្ងៃស្អែកយើងមានការប្រកួតមួយ ហើយយើងត្រូវគោរពគូប្រជែង និងការប្រកួតប្រជែង និងខ្លួនយើងផ្ទាល់, យើងមានការប្រកួតមុនវគ្គផ្តាច់ព្រ័ត្រ ដែលអាចជួយឱ្យយើងរៀបចំក្រុមបានល្អ ជាក់ស្តែងខ្ញុំនឹងឆ្លាស់កីឡាករទាំងអស់នឹងលេងនៅក្នុងរយៈពេលនេះ ដើម្បីឈានដល់កម្រិតអតិបរមារបស់ពួកគេ។ យើងក៏ត្រូវសម្រាកដែរព្រោះវាជារដូវដែលមានតម្រូវការខ្លាំង។ ខ្ញុំនឹងសម្រាកពីរបីថ្ងៃបន្ទាប់ពីការប្រកួតសប្ដាហ៍នេះចប់។ ហើយនៅថ្ងៃអាទិត្យនេះ បន្ទាប់ពីការប្រកួតចប់ គឺយើងមានកម្មវីធីអបអរផងដែរ”។
ទាក់ទងនឹងរបួសរបស់ Tchouameni លោក Ancelotti មិនអាចឲ្យចិញ្ចើមម្ខាងរបស់គាត់ឡើងលើក្នុងការប៉ះទង្គិចជាមួយក្រុម Borussia Dortmund នោះទេ។
“យើងមានការសង្ស័យថាគាត់នឹងលេងនៅវគ្គផ្តាច់ព្រ័ត្រ យើងចង់ឃើញការប្រសើរឡើងរបស់គាត់។ Militao នឹងលេងការប្រកួតដែលនៅសល់ ចំណែកខ្សែការពារកណ្តាលផ្សេងទៀត អាចនឹងប្ដូរគ្នាលេង។ កាលពីថ្ងៃពុធ ខ្ញុំបានទៅញ៉ាំអាហារពេលល្ងាចជាមួយក្រុមគ្រួសារធម្មតា អត់មានអ្វីទៀតទេ [សំនួរទាក់ទងនឹងដែលគាត់អបអរក្រោយការប្រកួត Bayernចប់]»។
គាត់ក៏បាននិយាយពីស្ថានភាពអ្នកចាំទីដែរ ដោយ Thibaut Courtois បានធ្វើការត្រឡប់ទៅរកភាពល្អប្រសើរឡើងវិញ។
“Courtois នឹងលេង, គាត់ត្រូវការនាទីលេង។ ហើយខ្ញុំក៏ត្រូវគិតគូរដល់ Kepa ដែរ គាត់សមនឹងលេងដូចគ្នា។ ជាពិសេស Luin ត្រូវតែត្រៀមខ្លួនដើម្បីលេង”។
ចំណែកវីរបុរសរបស់ក្លឹប Real Madrid លោក Iker Casillas បានប្រកាសថា Andriy Lunin គួរតែចូលលេងក្នុងវគ្គផ្តាច់ព្រ័ត្រក្របខ័ណ្ឌ Champions League ដោយសារវាមានសារៈសំខាន់ចំពោះការវែកផ្លូវរបស់ពួកគេទៅកាន់វគ្គផ្តាច់ព្រ័ត្រ។
“ខ្ញុំគោរពនូវអ្វីដែល Casillas និយាយថា (Lunin ត្រូវតែលេង) ហើយខ្ញុំចូលចិត្តគាត់ណាស់។ ខ្ញុំមិនចង់ចូលក្នុងការជជែកដេញដោលនេះទេ ព្រោះខ្ញុំមានពេលវេលាជិតមួយខែដើម្បីគិតពីរឿងនេះ និយាយដោយស្មោះទៅខ្ញុំមិនទាន់បានគិតពីរឿងនេះទេ ពេលនេះ”។
ប្រភព បរទេស