ក្រុម FC Barcelona បានយកឈ្នះលើក្រុម Spurs ក្នុងលទ្ធផល ៤-២ នៃការប្រកួតសន្សំពិន្ទុ ពានរង្វាន់ UEFA Champions League ។
ចំពោះមុខអ្នកគាំទ្រជាង៨ម៉ឺននាក់ Barcelona បានបង្ហាញភាពខ្លាំងរបស់ខ្លួន ដោយស៊ុតដល់ទៅ៤គ្រាប់ឯណោះក្នុងកីឡដ្ឋាន Wembley នេះ។ Lionel Messi បានបន្តបង្ហាញទម្រង់លេងយ៉ាងល្អដោយ ស៊ុតបញ្ចូលទី២គ្រាប់ម្នាក់ឯង។ ខណៈដែល២គ្រាប់ទៀតនោះ ធ្វើបានសម្រេចដោយ Philippe Coutinho និង Rakitic ។
ដោយឡែកសម្រាប់ Spurs ចាញ់យប់មិញនេះទៀត គឺពួកគេចាញ់២ប្រកួតជាប់គ្នាហើយ។ ដូច្នេះ ការបាត់បង់ដល់៦ពិន្ទុ នេះ អាចនឹងធ្វើឱ្យក្រុមមាន់ខ្នាយមាសពិបាកក្នុងការស្វែងរកកៅអីឡើងវគ្គបន្ដហើយ បើទោះជានៅសល់៤ប្រកួតទៀតក៏ដោយ៕ប្រភពDailyMail