លោក Roberto Mancini គ្រូបង្វឹកក្រុមជម្រើសជាតិអ៊ីតាលី បានកោះហៅខ្សែប្រយុទ្ធ Mario Balotelli មកចូលក្រុមវិញហើយ ក្រោយពីរូបគេខកខានបាត់មុខតាំងពីឆ្នាំ២០១៨មក។
ក្រុមជម្រើសជាតិអ៊ីតាលីមិនមានការប្រកួតផ្លូវការទេនៅសប្ដាហ៍នេះ ប៉ុន្តែលោក Mancini បានសម្រេចកោះហៅកីឡាករដល់៣៥នាក់ឯណោះដើម្បីបោះជំរុំហ្វឹកហាត់។ ខណៈដែលក្នុងចំណោមនោះក៏គេសង្កេតឃើញមានឈ្មោះរបស់កីឡាករ Balotelli ម្នាក់ផងដែរ។ កីឡាករវ័យ៣១ឆ្នាំនេះ កំពុងលេងនៅលីគប្រទេសទួរគីឯណោះជាមួយក្រុម Adana Demirspor ។
លេងនៅក្លឹបខាងលើនេះ អតីតកីឡាករ Manchester City រូបនេះរកបាន៩គ្រាប់ក្នុងការបង្ហាញខ្លួន២១ប្រកួតកន្លងមក។ ដោយមើលឃើញថាទម្រង់លេងរបស់គេឡើងវិញនេះហើយ ទើបបានជាលោក Mancini សម្រេចចិត្តកោះហៅរូបគេមកជម្រើសជាតិវិញ៕ ប្រភព៖ DAILYMAIL
