ក្រុម FC Barcelona បានយល់ព្រមឱ្យខ្សែប្រយុទ្ធ Dembele ចាកចេញពីក្រុមហើយ ក្រោយពីមិនអាចចរចាកុងត្រាថ្មីបាន។ នេះបើតាមការបញ្ជាក់របស់លោក Mateu Alemany ប្រធានផ្នែកបាល់ទាត់របស់ក្លឹបនិយាយ។
ការអះអាងខាងលើរបស់ថ្នាក់ដឹកនាំក្លឹបខាងលើនេះ កើតឡើងដោយសារតែការចរចាជាច្រើនលើកលើកុងត្រាថ្មីនោះមិនបានសម្រេចឡើយ។ ក្លឹបបានដាក់សំណើរបន្ដកុងត្រាថ្មីដែរ ប៉ុន្តែកីឡាករមិនយល់ព្រម ដូច្នេះមានតែឱ្យគេចាកចេញចុះតាមអ្វីដែលត្រូវការ ព្រោះកុងត្រាផុតកំណត់នៅចប់រដូវកាលនេះដែរ។ ស្របពេលកីឡាករបារាំងរូបនេះ ក៏មិនមានឈ្មោះលេងក្នុងការប្រកួតទល់ក្រុម Bilbao នៅយប់មិញដែរ។
ជាមួយនឹងការអះអាងខាងលើនេះដែរ សាមីខ្លួន Dembele ក៏បានខឹងខ្លាំងណាស់ដែរ។ បើទោះជាជិតផុតកុងត្រាពិតមែន ប៉ុន្តែរូបគេនៅបន្ដលេងដដែល និងធ្វើតាមអ្វីដែលក្លឹបត្រូវការជានិច្ចសម្រាប់រយៈពេលដែលនៅសល់។ ការលេងឬមិនលេង គឺជាការសម្រេចចិត្តរបស់អ្នកចាត់ការ មិនមែនជាការសម្រេចចិត្តរបស់កីឡាករនោះទេ៕ ប្រភព៖ DAILYMAIL
