ខ្សែប្រយុទ្ធ Cristiano Ronaldo នឹងចាកចេញពីក្រុម Manchester United នៅចប់រដូវកាលនេះ ប្រសិនបើក្លឹបរកអ្នកចាត់ការថ្មីមក មិនត្រូវចិត្តរបស់គេទេនោះ។
Ronaldo ត្រលប់មក Old Trafford ជាថ្មីនេះ មានកុងត្រាដល់ឆ្នាំ២០២៣ ប៉ុន្ដែប្រភពជាច្រើនបានអះអាងថាខ្សែប្រយុទ្ធរូបនេះនឹងដើរចេញមុនផុតកុងត្រា ប្រសិនបើក្រុមបិសាចក្រហមរកអ្នកចាត់ការថ្មីមិនត្រូវចិត្តគេទេ។ បច្ចុប្បន្នលោក Ralf Rangnick ជាអ្នកកាន់ក្រុម Man Utd តែក្រោយពីចប់រដូវកាលនេះទៅ ក្លឹបនឹងរកអ្នកចាត់ការថ្មីហើយ ដោយលោក Rangnick នឹងធ្វើជាប្រធានផ្នែកបច្ចេកទេសវិញ។
អតីតកីឡាករ Real Madrid ខាងលើបានឈានដល់វ័យ៣៦ឆ្នាំទៅហើយ ប៉ុន្តែរូបគេនៅតែមានឥទ្ធិពលក្នុងក្រុមដដែល។ កាលពីប្រកួតមុននេះ Ronaldo ត្រូវបានតែងតាំងជាប្រធានក្រុមផងដែរ តែគួរឱ្យសោកស្ដាយប្រកួតនោះចាញ់ Wolves ក្នុងលទ្ធផល ១-០៕ ប្រភព៖ DAILYMAIL
