អតីតអ្នកចាំទីនៅក្របខ័ណ្ឌ Premier League លោក Paul Robinson បានបង្ហាញការជឿជាក់ថា តារាឆ្នើម Mohmamed Salah ប្រសិនជាជ្រើសរើសការដើរចេញពី Liverpool ហើយផ្ទេរទៅក្លឹបបារាំង Paris Saint-Germain នោះគឺនឹងក្លាយជាការសម្រេចចិត្តខុសមួយក្នុងអាជីព។
បញ្ជាក់ឲ្យដឹងថា Salah គេសេសសល់កុងត្រាដល់ចុងខែមិថុនា ឆ្នាំ ២០២៣ ឯណោះ ហើយរដូវកាលនេះ បង្ហាញខ្លួនសរុប ២២ ប្រកួត រកបាន ២១ គ្រាប់និង Assist ៩ លើក។ យ៉ាងណាតាមចចាមអារ៉ាមលឺថា បុរសវ័យ ២៩ ឆ្នាំ រំអុកក្លឹបចង់ដំឡើងថ្លៃពលកម្ម ដូច្នេះការចាកចេញ ក៏នឹងមានភាគរយអាចកើតមាននៅពេលខាងមុខ ប្រសិនជាក្លឹបអាណាព្យាបាលមិនយល់ព្រម។
តែតាមការឲ្យដឹងពី Robinson ថា៖ “ខ្ញុំមើលអត់ឃើញ PSG ជាទ្រនំថ្មី ដែល Salah គួរតែទៅចូលរួមនោះទេ ដោយនៅ Liverpool ជាក្លឹបមានការប្រកួតប្រជែងខ្ពស់ទាំងនៅ Premier League ក៏ដូចជាពានអឺរ៉ុប Champinos League ខណៈដែល PSG ឯណោះ ខ្ញុំមើលមិនឃើញថាពួកគេ អាចប្រជែងពានធំៗបែបហ្នឹងនោះឡើយ”។
លោកបន្ត៖ “លុយជារឿងសំខាន់ហើយ តែខ្ញុំគិតថា ការផ្ទេរនៅដំណាក់កាលនេះ សម្រាប់ Salah មិនជារឿងល្អទេ ព្រោះអីគេកំពុងលេងខ្លាំងនៅ Liverpool ហើយគ្មានកន្លែងណាអាចឲ្យគេរីករាយជាងទីនេះទេ”៕ ប្រភព៖ Sportskeeda