ខ្សែប្រយុទ្ធ Mauro Icardi មិនបានទៅចូលរួមហ្វឹកហាត់ជាមួយក្រុម PSG ទេកាលពីម្សិលមិញនេះ បន្ទាប់ពីមានដំណឹងថា Wanda Nara ប្រពន្ធរបស់គេបានសុំចែកផ្លូវគ្នា។
ស្រីស្អាត Wanda បានបង្ហោះនៅលើបណ្ដាញសង្គមចំពោះរឿងបែកបាក់គ្នាជាមួយ Icardi នេះ។ ការខឹងខ្លាំងរហូតសុំបែកនេះដែរ ត្រូវបានគេដឹងថាដោយសារនាងរកឃើញថា Icardi បានលួចទៅទាក់ទងជាមួយនារីម្នាក់ឈ្មោះ China Suarez ជនជាតិអាហ្សង់ទីនដែលមានការងារជាតារាសម្ដែង និងតារាបង្ហាញម៉ូដ។ ខណៈដែលខាងប្រុសវិញ មិនបានបង្ហាញឬនិយាយអ្វីនោះទេ។
ដោយ Icardi បានត្រឹមបង្ហោះរូប១សន្លឹក លក្ខណៈចង់លួងលោមប្រពន្ធរបស់ខ្លួនវិញប៉ុណ្ណោះ។ មួយវិញទៀតរូបគេក៏មិនបានបង្ហាញខ្លួនទៅហ្វឹកហាត់ជាមួយក្រុម PSG កាលពីថ្ងៃអាទិត្យកន្លងទៅដែរ។ ដោយទំនងជារូបគេចង់មានពេលដើម្បីផ្សះផ្សារទំនាក់ទងជាមួយ Wanda ឡើងវិញ៕ប្រភព Marca
