ក្រុម Aston Villa ទិញបានខ្សែបម្រើ Leon Bailey ពីក្រុម Leverkusen ហើយក្នុងតម្លៃខ្លួន៣០លានផោន ដើម្បីជាការត្រៀមទុក បើសិនជា Jack Grealish ចាកចេញមែន។
Grealish ស្ថិតក្នុងដំណើរការនៃការចាកចេញទៅលេងឱ្យក្រុម Manchester City ហើយ ក្រោយពីក្រុមរបស់លោក Pep យល់ព្រមក្នុងតម្លៃខ្លួនទិញផ្ដាច់កុងត្រា១០០លានផោននោះ។ ដោយមើលឃើញដូច្នេះហើយ ទើបបានជាក្រុម Aston Villa ត្រូវតែស្វែងរកកីឡាករដើម្បីត្រៀមទុក។ ក្នុងនោះ ពួកគេសម្រេចទិញបាន Leon ពីក្រុម Leverkusen ក្នុងតម្លៃខ្លួន៣០លានផោន។
កីឡាករចាម៉ៃកាខាងលើនឹងមកអង់គ្លេសដើម្បីបំពេញបែបបទ និងពិនិត្យសុខភាពមុនបង្ហាញខ្លួន ក៏ដូចជាចូលហ្វឹកហាត់ដើម្បីត្រៀមលេងរដូវកាលថ្មី។ ក្របខណ្ឌ Premier League នៅឆាប់ផ្ដើមរដូវកាលរបស់ខ្លួននៅពាក់កណ្ដាលខែសីហាឆ្នាំ២០២១នេះហើយ៕ប្រភព Dailymail
