ក្រុមបាល់ទាត់ជម្រើសជាតិប្រេស៊ីល បានឡើងដល់វគ្គផ្ដាច់ព្រ័ត្រពានរង្វាន់ Copa America ហើយ បន្ទាប់ពីយកឈ្នះលើក្រុមប៉េរូ ក្នុងលទ្ធផល ១-០។
ប្រេស៊ីលលេងនៅក្នុងទឹកដីខ្លួនឯងធ្វើបានល្អណាស់។ ពួកគេបន្ដយកឈ្នះលើក្រុមបេរូក្នុងលទ្ធផល ១-០ នៅវគ្គពាក់កណ្ដាលផ្ដាច់ព្រ័ត្រទៀតដើម្បីឡើងដល់វគ្គផ្ដាច់ព្រ័ត្រទៅហើយនៅព្រឹកមិញនេះ។ ដោយ១គ្រាប់ជ័យជម្នះនោះធ្វើបានដោយ Lucas Paquetá នៅនាទី៣៥ក្នុងតង់ទី១។ ខណៈដែលតង់ទី២វិញ មិនមានគ្រាប់បាល់កើតឡើងទៀតនោះទេ។
ប្រេស៊ីល ឡើងទៅវគ្គផ្ដាច់ព្រ័ត្រនេះ អាចប៉ះក្រុមអាហ្សង់ទីន ឬកូឡុំប៊ី ដែលពួកគេនឹងត្រូវធ្វើការប្រកួតនៅព្រឹកថ្ងៃស្អែកនេះហើយ៕ប្រភព Goal
