ខ្សែប្រយុទ្ធ Cristiano Ronaldo បានតាមស្មើកំណត់ត្រារបស់កីឡាករ Ali Daei របស់ជម្រើសជាតិអ៊ីរ៉ង់ហើយ ក្រោយពីរកបាន២គ្រាប់បន្ថែមទៀតនៅយប់មិញ ធ្វើឱ្យរូបគេមាន១០៩គ្រាប់នៅជម្រើសជាតិ។
ខ្សែប្រយុទ្ធវ័យ៣៦ឆ្នាំខាងលើធ្វើបានល្អណាស់សម្រាប់ការប្រកួតពានរង្វាន់ Euro 2020 នេះ។ រូបគេរកបានដល់ទៅ២គ្រាប់ទល់ក្រុមជម្រើសជាតិបារាំង ដើម្បីយក១ពិន្ទុឱ្យព័រទុយហ្គាល់មានឱកាសឡើងទៅវគ្គ១៦ក្រុមចុងក្រោយប៉ះជាមួយក្រុមបែលហ្សិក។ ខណៈដែល៣ប្រកួតមកនេះ រកបានដល់ទៅ៥គ្រាប់ទៅហើយ។
>
នៅពេលនេះ Ronaldo បានចាប់កំណត់ត្រាអ្នករកគ្រាប់បាល់បានច្រើនបំផុតក្នុងការប្រកួត Euro 2020 និងរូបគេក៏មានកំណត់ត្រារកគ្រាប់បាល់បានច្រើនបំផុតនៅជម្រើសជាតិផងដែរ។ ដោយមាន១០៩គ្រាប់ស្មើជាមួយអ្នកកាន់កំណត់ត្រាចាស់ Ali Daei របស់ជម្រើសជាតិអ៊ីរ៉ង់ដែរ៕ប្រភព marca
