អ្នកចាត់ការបណ្តោះអាសន្នឲ្យជម្រើសជាតិវែលលោក Rob Page បាននិយាយថា បរាជ័យទល់អ៊ីតាលីមិនបានឲ្យខ្លួនគិតថាជាបរាជ័យនោះទេ ផ្ទុយទៅវិញមានអារម្មណ៍ដូចជាជ័យជម្នះ ក្រោយឃើញក្រុមរបស់ខ្លួនអាចបន្តឡើងទៅកាន់វគ្គបន្ទាប់នៅ Euro 2020។
ជាការពិតអ៊ីតាលីដ្បិតចាញ់ ១-០ មាន ៤ ពិន្ទុស្មើស្វីស ប៉ុន្តែពួកគេឈ្នះគ្រាប់បាល់ចំណេញដល់ទៅ ២ គ្រាប់ ទើបនាំឲ្យក្រុមឈរលេខ ២ ហើយមានកៅអីស្វ័យប្រវត្តិនៅវគ្គ ១៦ ក្រុម ដោយមិនចាំបាច់ឆ្លងការប្រជែងនៅតំណែងលេខ ៣ ល្អឯក។
ក្រោយចប់ការប្រកួត លោក Page និយាយ៖ “តាមពិតទៅវាមានអារម្មណ៍ដូចជាបានឈ្នះ ព្រោះយើងបានឈរតំណែងទី ២ ក្នុងពូល ហើយយើងបានដឹងមុន ថានេះជាប្រកួតដ៏តានតឹងមួយ ដែលវាសមល្មមនឹងការលេងគ្នា ១១ នាក់ តែដល់ធ្លាក់មកសល់ ១០ នាក់ យើងក៏កាន់តែពិបាកបន្ថែមទៀត រហូតចុងក្រោយយើងនៅតែអាចសម្រេចការងារនេះបាន”។
ជាការពិតបើវែលហ៊ានតែរបូត ២ គ្រាប់បន្ថែមទៀត ដែលមានន័យថាអ៊ីតាលីស៊ី ៣-០ នោះពួកគេនឹងមកឈរលេខ ៣ បន្ទាប់ពីស្វីសវិញ ហើយតំណែងលេខ ២&៣ នៅវគ្គចែកពូលនេះ គឺមានភាពខុសគ្នាច្រើនណាស់ ដោយមួយបានសល់ពេលសម្រាក មួយត្រូវយកពេលទៅប្រជែងតំណែងលេខ ៣ ល្អបំផុតដើម្បីឡើងទៅកាន់វគ្គបន្ទាប់៕
ប្រភព៖ AF