ពានរង្វាន់ League Cup 2021 គ្រោងនឹងប្រព្រឹត្តទៅចាប់ពីថ្ងៃទី០៥ ខែមិថុនា ដល់ថ្ងៃទី២៧ ខែមិថុនា ឆ្នាំ២០២១ ដែលមានក្លិបលីគអាជីពចំនួន៨ ចូលរួមប្រកួតប្រជែងដើម្បីអភិវឌ្ឍសមត្ថភាពកីឡាករ និង រក្សាចង្វាក់លេងរបស់ក្លិបនីមួយឲ្យប្រសើរឡើងខណៈពេលនេះពូលបានចាប់រួចរាល់ហើយ។
ពូល A ប្រជុំទៅដោយក្រុមខ្លាំងទាំង៣ក្នុងលីគពោលគឺ បឹងកេត ភ្នំពេញក្រោន អាយ អេស អាយដង្កោសែនជ័យ និងក្លិប វិសាខាចំណែកពូល Bគឺ TIFFY AMRY FC, ព្រះខ័នរាជស្វាយរៀង សាលាបាល់ទាត់ជាតិបាទីអាយុក្រោម១៨ឆ្នាំ និងក្រុមខេត្ត ព្រៃវែង។
ការបង្កើតពានរង្វាន់នេះឡើងបន្ទាប់ពីក្រុមជម្រើសជាតិត្រូវប្រមូលផ្តុំកីឡាករហ្វឹកហាត់ និងធ្វើដំណើរទៅប្រទេសបារ៉ែនដើម្បីចូលរួមការប្រកួតវគ្គជម្រុះពានរង្វាន់បាល់ទាត់ពិភពលោក (FIFA World Cup) ចំនួន៣ប្រកួតនៅសេសសល់ ក៏ដូចជាជាទុកពេលវេលាដល់ក្លិបបាល់ទាត់បឹងកេត និងវិសាខា ដែលត្រូវតំណាងឲ្យជាតិទៅចូលរួមការប្រកួតពានរង្វាន់ AFC Cup វគ្គចែកពូល និងវគ្គ Playoff នាខែ មិថុនាខាងមុខផងដែរ។
យ៉ាងទៀត វានឹងផ្ដល់ភាពចំណេញដល់ដៃគូសហការឧបត្ថម្ភរបស់ក្លិបនីមួយៗ រួមទាំងការបម្រើអារម្មណ៍ទស្សនិកជន និងអ្នកគាំទ្រវិស័យកីឡាបាល់ទាត់ទាំងអស់ដែលពួកគេអាចទស្សនាការប្រកួតនៅតាមគេហដ្ឋានបាន៕