Real Madrid កំពុងតែធ្វើឱ្យអ្នកគាំទ្រសប្បាយចិត្តខ្លាំង បន្ទាប់ពីបើករដូវកាលបានយ៉ាងល្អឆ្លងកាត់៣ប្រកួតឈ្នះទាំង៣ប្រកួត និងរកគ្រាប់បាល់បានយ៉ាងច្រើនថែមទៀត។
ទន្ទឹមនឹងនេះដែរ តំបន់ប្រយុទ្ធក្រោយពីការចាកចេញរបស់ Cristiano Ronaldo ទៅ គឺកាន់តែល្អប្រសើរថែមទៀត។ ក្រុមកីឡាករទាំងអស់លេងដោយមានទំនុកចិត្តខ្លាំង ជាពិសេស Karim Benzema តែម្ដង។
រូបគេចាប់ផ្ដើមហ៊ានសម្រេចចិត្តក្នុងការស៊ុតបាល់ និងបច្ចេកទេសគឺល្អឆ្ងាយខ្លាំងមែនទែន បើធៀបជាមួយរដូវកាលមុនៗ ឆ្លងកាត់៣ប្រកួតមកនេះ។
៣ប្រកួត រកបាន៤គ្រាប់របស់ Benzema បានធ្វើឱ្យលោក Lopetegui អ្នកចាត់ការក្រុម Real Madrid និយាយដូច្នេះថា៖ “ខ្ញុំជឿថាគាត់នឹងធ្វើបានកាន់តែល្អនៅរដូវកាលនេះ។
ហេតុអ្វីដែលថាគាត់មិនអាចរកបាន៣០ទៅ៤០គ្រាប់នោះ? រឿងសំខាន់បំផុតគឺក្រុមទាំងមូល ហើយគ្រាប់បាល់កើតឡើងគឺដោយសារតែក្រុមទាំងមូល។ គាត់សប្បាយចិត្តដែលរកគ្រាប់បាល់បាន ហើយជួយក្រុមទទួលបានជ័យជម្នះ”៕
ប្រភព៖ Marca
