ក្លិបនឹងតំណាងកម្ពុជា វិសាខាដែលចូលរួមប្រកួតក្នុងពានរង្វាន់ AFC Cup វគ្គជម្រុះ ជាមួយ ក្លិបរបស់ទីម័រ ដែលនឹងតំណាងកម្ពុជា ត្រូវបានលើកទៅប្រកួតនៅខែក្រោយទៀតហើយពោលគឺខែឧសភា នេះបើយោងតាមការកែសម្រួលនៅលើវិបសាយ The-afc.com។
វិសាខា ដែលជាម្ចាស់ជើងឯកពានរង្វាន់សម្តេចតេជោ ហ៊ុន សែន ឆ្នាំ២០២០ ត្រូវប្រកួតជម្រុះ ២វគ្គផ្សេងគ្នាជាមុនសិន ដើម្បីរកជ័យជម្នះឡើងទៅវគ្គចែកពូល ពោលគឺថ្ងៃទី២៨ ខាងមុខនេះ គេត្រូវជួបជាមួយក្រុមរបស់ ទីម័រខាងកើត គឺក្លិប Lalenok United ក្នុងវគ្គជម្រុះបឋម – ជុំទី២ (Preliminary stage – Round 2) នៅលើទឹកដីកណ្ដាល ប៉ុន្តែពេលនេះ សហព័ន្ធកីឡាបាល់ទាត់ទ្វីបអាស៊ី សម្រេចលើកទៅប្រកួតនៅថ្ងៃទី១៩ ខែឧសភា វិញ ខណៈទីតាំងក៏មិនទាន់កំណត់ដូចគ្នា។
ប្រសិនបើវិសាខា ឈ្នះនឹងត្រូវឡើងទៅជួបក្រុមរបស់ឥណ្ឌូនេស៊ីមួយទៀត គឺក្លិប Persipura Jayapura ក្នុងវគ្គជម្រុះជុំចុងក្រោយ (Play-off stage) ដើម្បីសម្រេចក្រុមឡើងទៅវគ្គចែកពូល ដែលអាចនឹងកែប្រែកម្មវិធីប្រកួតផងដែរ តែមិនទាន់កំណត់នៅឡើយ៕
អត្ថបទ៖ CAM SPORT