• Barcelona ​កំពុង​ពិចារណា​លក់ Rakitic ​ឱ្យ PSG ​ហើយ

    FC Barcelona ​កំពុង​ពិចារណា​លក់​ខ្សែ​បម្រើ Ivan Rakitic ​ឱ្យ​ទៅ​ក្លឹប PSG ​ហើយ ​ក្រោយ​ពី​ការ​ចរចា​តម្លៃ​ខ្លួន​ឡើង​ដល់​៨១​លាន​ផោន​។

    កីឡាករ​ក្រូអាត​រូប​នេះ​នៅ​សល់​កុងត្រា​ដែល​មាន​តម្លៃ​១០៧​លាន​ផោន ប៉ុន្តែ​ត្រឹម​វ័យ​៣០​ឆ្នាំ​នេះ គេ​មិន​រំពឹង​ថា​អាច​លក់​បាន​ដល់​ថ្លៃ​ប៉ុណ្ណឹង​ឡើយ។ ប្រភព​នៅ​អេស្ប៉ាញ បាន​បញ្ជាក់​ថា​ក្លឹប PSG ​របស់​បារាំង​បាន​ផ្ដល់​តម្លៃ​ដល់​៨១​លាន​ផោន ​ក្នុង​ការ​ផ្ទេរ Rakitic ​នេះ ​ខណៈ​ដែល Barcelona ​អាច​នឹង​ព្រម​លក់​ហើយ ​ព្រោះ​តម្លៃ​ប៉ុណ្ណឹង​អាច​នឹង​គ្មាន​ក្លឹប​ណា​ឱ្យ​ទៀត​ឡើយ។

    ដូច្នេះ​ហើយ ការ​សម្រេច​ផ្ទេរ​ទៅ​បាន​ឬ​អត់​នៅ​ពេល​នេះ គឺ​អាស្រ័យ​ទៅ​លើ​ការ​សម្រេច​ចិត្ត​របស់​កីឡាករ​ផ្ទាល់​តែ​ម្ដង ​ព្រោះ​ថា​ក្លឹប​អាច​នឹង​ព្រម​លក់​ទៅ​ហើយ។ Rakitic ​ជា​កីឡាករ​សំខាន់​មួយ​រូប​សម្រាប់​ក្រុម Barcelona ​ប៉ុន្មាន​ឆ្នាំ​មក​ហើយ ​ហើយ​រូបគេ​ក៏​ទើប​តែ​ជួយ​ក្រុម​ជម្រើស​ជាតិ​ក្រូអាត​ឡើង​ដល់​វគ្គ​ផ្ដាច់ព្រ័ត្រ FIFA World Cup 2018 ​ផង​ដែរ៕ប្រភព៖ dailymail

     

     

     

    ភ្ជាប់ទំនាក់ទំនងជាមួយ CTS SPORT