ក្រុម Juventus បានធ្លាក់ចេញពីពានរង្វាន់ UEFA Champions League ទៅហើយ ក្រោមថ្វីជើងរបស់ក្រុម Porto ក្នុងលទ្ធផលគិតទាំងពីរជើង ៤-៤។
កាលពីជើងទី១កន្លងទៅ ក្រុម Porto បានយកឈ្នះលើក្រុម Juventus ក្នុងលទ្ធផល ២-១។ ដោយឡែកនៅជើងទី២នេះវិញ ក្រុមសេះបង្កង់នៅម៉ោង៩០នាទីក៏បានយកឈ្នះក្នុងលទ្ធផល ២-១ ផងដែរ។ ដូច្នេះការប្រកួតតម្រូវឱ្យលេងថែមម៉ោង១៥នាទី២ដង។ នៅម៉ោងបន្ថែមនេះ ក្រុមទាំងពីររកបានម្នាក់១គ្រាប់ទៀត ធ្វើឱ្យលទ្ធផលចប់ការប្រកួតទៅ ៣-១ សរុបទាំងពីរជើង ៤-៤។
តាមលទ្ធផលនេះ ក្រុម Juventus ធ្លាក់ចេញពីពានរង្វាន់ UEFA Champions League បាត់ទៅហើយ ដោយគិតរូបមន្ដ away goal ។ អ្វីដែលអ្នកគាំទ្រមិនអស់ចិត្តនោះ គឺការប្រកួតនេះ Porto សល់គ្នាត្រឹម១០នាក់ប៉ុណ្ណោះ ប៉ុន្ដែក្រុម Juventus នៅតែធ្វើអ្វីមិនកើតដដែល៕ប្រភព Dailymail
