នៅការប្រកួតរវាង Tottenham Hotspur ទល់ Burnley កាលពីយប់មិញ បានបញ្ចប់ទៅនៅលទ្ធផល ៤-០ ដែលក្នុងការប្រកួតនោះគេឃើញថា Gareth Bale បានជាប់នៅជម្រើស ១១ នាក់ដំបូង ហើយអ្វីដែលអស្ចារ្យគឺគេរកបាន ២ គ្រាប់។
Bale ហាក់ដូចជាវិលត្រលប់មករកការលេងដ៏ល្អវិញ ព្រោះដល់ថ្នាក់ប្រកួតនេះក៏ Jose Mourinho ដែលជាអ្នកចាត់ការលាន់មាត់សរសើរផងដែរ។
ក្រោយចប់ការប្រកួត អ្នកចាត់ការសញ្ជាតិព័រទុយហ្គាល់និយាយ៖ “ខ្ញុំពិតជារីករាយសម្រាប់គេ និងសម្រាប់ក្រុមទាំងមូល ព្រោះក្រុមត្រូវការទេពកោសល្យបែបហ្នឹងពី Bale ដោយគេស្ងាត់ស្ងៀមគេមិននិយាយលើប្រព័ន្ធផ្សព្វផ្សាយ ឬស្តាប់អ្វីនោះទេ ព្រោះគេមកពី Real Madrid ដែលមិនអើពើរឿងបែបហ្នឹងឡើយ”។
លោកបន្ថែមថា៖ “ខ្ញុំរីករាយនៅពេលដែលឃើញស្ថានភាពគេល្អបែបហ្នឹង ដូចអ្វីដែលគេបានធ្វើថ្ងៃនេះ ការលេងរបស់គេល្អ មិនត្រឹមតែការបញ្ចប់ទី តែថែមទាំងការផ្លាស់ប្ដូរល្បឿន ហើយពុះចូលទៅក្នុងប្រអប់ថែមទៀត”៕ ប្រភព៖ BeSoccer