នាវេលាម៉ោង ១១:៣០ នាទីយប់ថ្ងៃអាទិត្យក្រុមតោខៀវ Chelsea នឹងបើកការប្រកួតទល់ក្រុមបិសាចក្រហម Man Utd នៅក្របខ័ណ្ឌ Premier League ដែលមានផ្សាយផ្ទាល់លើទំព័រ CTS Sports។
នៅជំនួបនោះដែរក្រុមរបស់លោក Thomas Tuchel នឹងនៅបន្តអវត្តមានកីឡាករសំខាន់មួយរូបនោះគឺ Thiago Silva ដែលជាខ្សែការពារដ៏សំខាន់។ Silva បានរបួសតាំងពីការប្រកួតទល់ Spurs កាលពីថ្ងៃទី ៤ កុម្ភៈ ហើយមកទល់សប្តាហ៍នេះមិនទាន់ជាសះស្បើយនោះទេ។
តាមការបញ្ជាក់ច្បាស់ការពីអ្នកចាត់ការ Tuchel បានឲ្យដឹងថា Silva នឹងត្រលប់មកហ្វឹកហាត់វិញនៅសប្តាហ៍ក្រោយឯណោះ ហើយនៅជំនួបជើងទី ២ UCL គេអាចនឹងចូលរួមជួយក្រុមបាន។
សម្រាប់ United ឯណោះវិញ អាចនឹងអវត្តមាន Cavani ក៏ដូចជា Van de Beek ស្របពេលដែល McTominay ក៏ប្រឈមនឹងខកខាននៅប្រកួតសំខាន់នោះដូចគ្នា៕ ប្រភព៖ FourFourTwo