ក្រុម Inter Milan បានយកឈ្នះក្រុម AC Milan ក្នុងលទ្ធផលដល់ទៅ ៣-០ ឯណោះនៅយប់មិញនេះ ដើម្បីឈរនៅកំពូលតារាង Serie A យ៉ាងមានសុវត្ថិភាព។
ក្រុម Inter Milan ក្នុងជំនួបទល់ក្រុម AC Milan នេះ ពិតជាធ្វើបានល្អមែនទែន។ ខ្សែប្រយុទ្ធ Martinez បានបើកការនាំមុខមុនតាំងពីនាទីទី៥ដើមតង់ទី១ ហើយក៏បន្ថែមគ្រាប់ទី២បានទៀតនៅនាទី៥៧។ ការប្រកួតឈានដល់នាទី៦៦ ក៏ស្រាប់តែ Lukaku ថែមគ្រាប់ទី៣បានទៀត ដើម្បីយកឈ្នះការប្រកួតសំខាន់នេះក្នុងលទ្ធផល ៣-០ តែម្ដង។
ទទួលបាន៣ពិន្ទុនិងឈ្នះក្រុមលេខ២នេះហើយ បានធ្វើឱ្យក្រុម Inter Milan ឈរនៅលេខ១កំពូលតារាង ហើយមានពិន្ទុលើសក្រុមលេខ២ AC Milan ដល់ទៅ៤ពិន្ទុហើយឆ្លងកាត់២៣ប្រកួតមកនេះ។ នេះអាចជាសុវត្ថិភាពមួយសម្រាប់ក្រុមរបស់លោក Conte ព្រោះថាក្រុមលេខ៣និងលេខ៤នោះ ក៏ដាច់ពិន្ទុឆ្ងាយផងដែរ៕
ប្រភព៖ DailyMail