Kylian Mbappe និង Erling Haaland ធ្វើបានល្អខ្លាំងនៅការប្រកួតជើងទី ១ Champions League សប្តាហ៍នេះ ដោយម្នាក់រកបាន ៣ គ្រាប់និងម្នាក់ទៀតរកបាន ២ គ្រាប់រង្គើព្រឹត្តិការណ៍ដណ្តើមពានអឺរ៉ុប។
ពាក់ព័ន្ធនឹងការឡើងកូដរបស់យុវជនទាំងពីរ ក្រឡេកមកអ្នកចាត់ការ Zinedine Zidane របស់ក្លឹប Real Madrid ក៏បាននិយាយប្រាប់អ្នកសារព័ត៌មានបែបនេះថា៖ “ខ្ញុំបានមើលរាល់ការប្រកួតទាំងអស់ ហើយខ្ញុំក៏រមែងចង់ឃើញរឿងល្អកើតឡើងដូចអ្នកគាំទ្រឯទៀតអ៊ីចឹងដែរ”។
លោកបន្ថែមពាក់ព័ន្ធនឹងកីឡាករទាំងពីរទៀតថា៖ “ពួកគេ [Haaland&Mbappe] គឺសុទ្ធសឹងតែល្អ និងស្ថិតនៅវ័យក្មេងដូចគ្នា ហើយជាកីឡាករសម្រាប់បច្ចុប្បន្ននិងអនាគតកាល ដោយថានរណាល្អបំផុតគឺខ្ញុំមិននិយាយទេ ដោយយើងរាល់គ្នាមានចំណូលចិត្តខុសៗគ្នា”។
គួររំឭកថាអនាគតរបស់អ្នកទាំងពីរ នឹងមានមួយអាចជាផ្ទេរមកក្លឹប Real Madrid នៅពេលខាងមុខ ដើម្បីជំនួសតំណែង Karim Benzema ពោលគឺអាចជា Kylian Mbappe ដែលស្ថិតលើភាគរយខ្ពស់៕
ប្រភព៖ Goal