ក្រុមបិសាចក្រហម Manchester United បានយកឈ្នះក្រុម Liverpool ក្នុងលទ្ធផល ៣-២ នាការប្រកួតពានរង្វាន់ FA Cup កាលពីយប់មិញនេះ។
ក្រុម Man Utd ដែលកំពុងឡើងជើងនោះ ធ្វើបានល្អណាស់សម្រាប់ការប្រកួតទល់ក្រុមហង្សក្រហម។ ពួកគេអាចរកគ្រាប់បាល់តាមស្មើវិញ និងបន្ដរហូតដល់ជ័យជម្នះក្នុងលទ្ធផល ៣-២ ដោយគ្រាប់បាល់ទី៣នោះ ធ្វើបានសម្រេចពីសំណាក់ការទាត់ហ្វ្រីឃីគរបស់ Bruno ។
សម្រាប់ការទាត់នេះដែរ លោក Ole អ្នកចាត់ការក្រុម Man Utd បានបញ្ជាក់ថាកូនក្រុមរបស់លោក Bruno បានហាត់រៀនទាត់ហ្វ្រីឃីគនេះចំនួន៤៥នាទីមុនការប្រកួត។ ដូច្នេះហើយទើបរូបគេអាចស៊ុតកោងបានល្អផុតដៃរបស់អ្នកចាំទី Alisson បាន៕
ប្រភព៖ DailyMail