កូនកាត់បារាំង – ថៃវ័យ ២០ ឆ្នាំ Thanawat Suengchitthawon បានក្លាយជាចំណាប់អារម្មណ៍របស់អ្នកគាំទ្របាល់ទាត់អាស៊ីអាគ្នេយ៍នៅពេលដែលគាត់រកបាន ២ គ្រាប់ក្នុងការប្រកួតជាមួយ Manchester United U23 កាលពីប៉ុន្មានថ្ងៃមុន។
វាជាការប្រកួតក្នុង Premier League 2 ដែលជាពានរង្វាន់មួយសម្រាប់កីឡាករវ័យក្មេងអាយុក្រោម ២៣ ឆ្នាំមកណីសាលាយុវជនថ្នាលក្លិបផ្សេងៗប្រកួតប្រជែងរៀងៗខ្លួន។ នៅក្នុងការប្រកួតនោះ Leicester City បានយកជ័យជម្នះ ៤-២ លើក្រុមបិសាចក្រហម Manchester United (MU) ដែលដឹកនាំដោយលោក Neil Wood ។ Thanawat រកបានគ្រាប់បាល់ដំបូងនៅនាទីទី ១៤ មុនពេល MU ធ្វើបានតាមស្មើ និងបញ្ចប់តង់ទី ២ ២-២ ។
Touch and finish from Suengchitthawon 🎯#lcfcu23s are live on LCFC TV: 👉 https://t.co/jP5KgV3QwS pic.twitter.com/K8xC72ozFx
— Leicester City (@LCFC) January 18, 2021
តង់ទី ២ ឃើញថា Leicester វាយបកមកវិញ ហើយលទ្ធផលបានប្តូរទៅជា ៣-២ ដោយសារគ្រាប់បាល់របស់កីឡាករ Jacob Wakeling នៅនាទី ៤៧ ។នៅនាទី៧១ Thanawat Suengchitthawon បន្ថែមគ្រាប់បាល់ទី២របស់ខ្លួន ហើយក៏ជាគ្រាប់ជ័យជម្នះឲ្យក្លិបផងដែរ។ សមត្ថភាពលេចធ្លោរបស់គាត់បានទាក់ទាញចំណាប់អារម្មណ៍របស់អ្នកគាំទ្រថៃដែលចង់ឱ្យគាត់មកពង្រឹងក្រុមជម្រើសជាតិរបស់ប្រទេសនៅក្នុងយុទ្ធនាការប្រកួតជម្រុះ World Cup ឆ្នាំ ២០២២ ខាងមុខនេះ។
Thanawat កើតនៅប្រទេសបារាំង ប៉ុន្តែឪពុកម្តាយរបស់គាត់មកពីប្រទេសថៃ។ លើសពីនេះទៀតគាត់ត្រូវបានគេហៅឱ្យលេងជាមួយក្រុមជម្រើសជាតិបារាំង B-17 ហើយត្រូវបានតែងតាំងជាប្រធានក្រុម។ ផ្អែកលើឈាមតំណពូជ Thanawat មានសិទ្ធិចូលរួមក្នុងក្រុមជម្រើសជាតិថៃ ប៉ុន្តែមិនដែលត្រូវបានគេហៅមកទល់ពេលនេះទេ។ គាត់បានចុះកុងត្រាអាជីពដំបូងរបស់គាត់ជាមួយ Leicester City កាលពីខែមុន។
វាជាឱកាសដ៏ល្អបំផុតសម្រាប់គាត់បើអាចមានឈ្មោះក្នុងក្រុមធំក្រោមការគ្រប់គ្រងរបស់ Brendan Rodgers ។ ដូច្នេះ Thanawat មិនបានគិតចង់វិលត្រឡប់មកចូលរួមជាមួយក្រុមជម្រើសជាតិថៃនាពេលអនាគតនោះទេ ព្រោះវានឹងប៉ះពាល់ដល់ឱកាសរបស់គាត់ក្នុងការលេងនៅលីគកំពូលអង់គ្លេស (EPL) នៅរដូវកាលនេះ។