ក្រុមបិសាចក្រហម Manchester United បានយកឈ្នះលើក្រុម Fulham ក្នុងលទ្ធផល ២-១ សម្រាប់ការប្រកួតពានរង្វាន់ English Premier League នៅយប់មិញនេះ។
ដោយ២គ្រាប់របស់ក្រុមបិសាចក្រហម រកបានដោយ Edinson Cavani ១គ្រាប់ និងការស៊ុតពីចម្ងាយយ៉ាងស្អាតរបស់ Pogba មួយគ្រាប់ទៀត។ ជ័យជម្នះបាន៣ពិន្ទុបន្ថែមនេះដែរ បានធ្វើឱ្យក្រុមរបស់លោក Ole ឡើងទៅឈរនៅកំពូលតារាង Premier League ហើយ។
ចំពោះទម្រង់លេងរបស់ Pogba ដែលកំពុងឡើងជើងនេះដែរ បានធ្វើឱ្យលោក Rio បាននិយាយថា៖
“ខ្ញុំគិតថា ថ្ងៃនេះគាត់លេងបានល្អណាស់។ គាត់បានបង្ហាញចំណុចកំពូលរបស់គាត់ ដែលបង្កើតឱកាសជាច្រើន។ គាត់ចាប់ផ្ដើមការលេងយ៉ាងរហ័សរបស់ខ្លួន មិនមែនដើម្បីតែការពារបាល់ដូចរាល់ដងនោះទេ។ គាត់ពិតជាបានបង្ហាញសមត្ថភាពសក្ដិសមសម្រាប់តំណែងរបស់គាត់ហើយ”៕
ប្រភព៖ DailyMail