អតីតខ្សែការពាររបស់ហង្សក្រហម Liverpool គឺលោក Jamie Carragher បាននិយាយថា ក្លឹប Barcelona ឬ Real Madrid នឹងតែងតែស្ថិតក្នុងការគិតរបស់ Mohamed Salah ដោយគ្រាន់ថាមិនអាចសម្រេចបាននៅពេលនេះ។
បញ្ជាក់ថា ខ្សែប្រយុទ្ធអេហ្សីបបានទទួលជោគជ័យយ៉ាងធំធេងនៅរយៈពេល ៣ ឆ្នាំចុងក្រោយ ចាប់តាំងពីការផ្ទេរមកចូលរួមនៅ Premier League ហើយក៏ធ្លាប់ជួយឲ្យហង្សលើកពាន Champions League កាលពីប៉ុន្មានឆ្នាំមុនផងដែរ។
ក្រឡេកទៅ Carragher បាននិយាយថា៖ “Mo Salah គឺជាកីឡាករមួយដែលប្រាកដជាចង់បានឈ្មោះ Barcelona ឬ Real Madrid នៅលើ CV របស់គេ ដោយកីឡាករ Eden Hazard ក៏ដូចគ្នាគេតែងតែចង់ទៅ Real Madrid បែបនេះខ្ញុំមិនភ្ញាក់ផ្អើលទេ នៅពេល Salah គិតពីអាជីពរបស់គេទៅថ្ងៃមុខ គ្រាន់ថាស្ថានភាពពេលនេះផ្នែកហិរញ្ញវត្ថុ គឺជាបញ្ហាដែលក្លឹបមិនអាចចំណាយលើគេបានទេ”។
លោកបន្ថែមទៀតថា៖ “អ្នកកំពុងនិយាយអំពីតម្លៃលើសពី ១០០ លានផោន បែបនេះខ្ញុំគិតថា Real Madrid និង Barcelona ប្រាកដជាសម្លឹងឃើញដូចគ្នាទៅលើ Mbappe ឬ Halland ឬ Mane ឬ Salah នោះក៏ដោយសារតែកត្តាអាយុរបស់ពួកគេ”៕
ប្រភព៖ Sportskeeda