ខ្សែប្រយុទ្ធ Memphis Depay ដែលជាតារាឆ្នើមរបស់ក្លឹប Lyon បានអះអាងថាខ្លួននឹងមានគុណភាពលេងល្អជាងបច្ចុប្បន្នដល់ទៅ ១០ ដងឯណោះ ប្រសិនទៅចូលរួមនៅក្លឹបកំពូលមួយក្នុងចំណោមក្លឹបកំពូលទាំង ៣ ក្នុងលោក។
សារនេះបានធ្វើឲ្យគេនឹកឃើញថា ប្រហែលជា Depay សម្លឹងឃើញការផ្ទេរទៅក្លឹប Barcelona ហើយ ក្រោយពេលដែលអ្នកចាត់ការនៅទីនោះគឺលោក Ronald Koeman តាមចង់បានគេស្រាប់ផងនោះ។
ប្រាប់ទៅសារព័ត៌មាន Canal+ កីឡាករត្រៀមផុតកុងត្រានៅបញ្ចប់រដូវកាល ២០២០/២១ និយាយ៖ “Houssem Aouar និងខ្ញុំដឹងថា យើងកំពុងលេងឲ្យក្លឹបល្អមួយ តែយើងចង់ទៅចូលរួមនៅក្លឹបកំពូលមួយក្នុងចំណោមក្លឹបកំពូលទាំង ៣ ក្នុងលោក ហើយអ្នកនឹងបានឃើញ Houssem ក៏ដូចជាខ្ញុំ អាចធ្វើបានល្អជាងមុន ១០ ដង”។
គួររំឭកថា ភាគរយដែល Depay អាចផ្ទេរទៅ Barcelona នៅខែមករានេះ គឺមិនអាចកើតឡើងនោះទេ ព្រោះ Barcelona កំពុងជាប់គាំងលើការចំណាយ ហើយណាមួយការបោះឆ្នោតជ្រើសរើសប្រធានក្លឹបថ្មី ត្រូវបានលើកពេលថែមទៀត អ៊ីចឹងមានតែនៅរដូវក្តៅនាពេលបន្ទាប់៕
ប្រភព៖ AF