យុវជនឆ្នើម Erling Haaland របស់ក្លឹប Borussia Dortmund នៅរយៈពេលប៉ុន្មានឆ្នាំចុងក្រោយ គេបានហែលកាត់នូវការប្រកួតធំៗជាច្រើន មិនថាតែនៅក្នុងក្របខ័ណ្ឌ Bundesliga ក៏ដូចជាការប្រជែងពានរង្វាន់អឺរ៉ុប។
នៅរដូវកាល ២០២០/២១ កីឡាករវ័យ ២០ ឆ្នាំ រកបាន ១៧ គ្រាប់និង Assist ៣ លើកហើយនៅការបង្ហាញខ្លួនសរុប ១៤ ប្រកួត។ ដោយឡែកថ្មីៗនេះ Haaland បានបង្ហាញការយល់ឃើញពីឈ្មោះខ្សែការពារកណ្ដាលល្អបំផុតទាំង ៣ ដែលអ្នកគាំទ្រក្លឹប Real Madrid, Liverpool និង Napoli ប្រាកដជារីករាយនឹងចង់ដឹង។
ខ្សែប្រយុទ្ធកណ្តាល Haaland និយាយ៖ “ខ្ញុំគិតថាខ្សែការពារកណ្តាលល្អបំផុតទាំង ៣ ក្នុងលោក គឺរួមមាន Sergio Ramos, Virgil van Dijk និង Kalidou Koulibaly ដោយអ្នកទាំងបីពិតជាមានកាយសម្បទារឹងមាំ ហើយក៏ឆ្លាតវាងវៃខ្លាំងផងដែរនៅលើទីលាន”។
គួររំឭកថាកីឡាករសញ្ជាតិន័រវែស ធ្លាប់បានតតាំងអ្នកទាំងបី នៅកំឡុងការប្រកួត Champions League និងប្រកួតមិត្តភាព គ្រាគេនៅជាកីឡាកររបស់ក្លឹប RB Salzburg មុនផ្ទេរមក Dortmund នៅឆ្នាំ ២០២០៕
ប្រភព៖ SportBible