ក្រសែភ្នែកអ្នកគាំទ្របាល់ទាត់ទូទាំងពិភពលោកនឹងសម្លឹងមកលើទឹកដី Santiago Bernabeu នារាត្រីថ្ងៃពុធនេះ នៅពេលដែលក្រុម Real Madrid និង Bayern Munich ប៉ះគ្នាក្នុងជើងទីពីរនៃការប្រកួតវគ្គពាក់កណ្តាលផ្តាច់ព្រ័ត្រ Champions League របស់ពួកគេ។ ការប្រកួតនេះត្រូវបានរៀបចំយ៉ាងល្អបន្ទាប់ពីបញ្ចប់ក្នុងលទ្ធផលស្មើ ២-២ កាលពីសប្តាហ៍មុននៅកីឡដ្ឋាន Allianz Arena ហើយវានឹងក្លាយជាការប្រកួតកំណត់ថាក្រុមណាជាអ្នកឈ្នះក្នុងរដ្ឋធានីអេស្ប៉ាញ។ប្រសិនបើ Bayern Munich ត្រូវឡើងដល់វគ្គផ្តាច់ព្រ័ត្រនៅកីឡដ្ឋាន Wembley ពួកគេនឹងត្រូវក្លាយជាក្រុមដំបូងគេគ្រប់រដូវកាលដែលអាចយកឈ្នះ Real Madrid បាននៅ Bernabeu ។ តែវាហាក់នៅឆ្ងាយពីដៃ និងមិនងាយស្រួលពេកនោះក្នុងការយកឈ្នះនៅផ្ទះអធិរាជសរ ប៉ុន្តែឱកាសរបស់ពួកគេដើម្បីធ្វើរឿងនេះអោយកើតឡើងក្នុងរយៈពេល មិនដល់២០ម៉ោងចុងក្រោយបន្ដិចទៀតនេះ។
ពួកគេជឿជាក់ថាអាចនឹងទម្លាក់ Real Madrid បាននោះដោយសារតែ Eric Dier, Matthijs de Ligt និង Jamal Musiala ទាំងអស់នឹងមានវត្តមានសម្រាប់ Thomas Tuchel ដូចដែលបានរាយការណ៍ដោយ Diario AS ។ Dier បានរងរបួសក្បាលកាលពីចុងសប្តាហ៍ ប៉ុន្តែអាចលេងបានវិញក្នុងទីក្រុង Madrid។ Matthijs de Ligt បានខកខានពីរប្រកួតផ្សេងទៀត រួមទាំងការប្រកួតជាមួយ Stuttgart ប៉ុន្តែគេបានត្រលប់មកវិញដើម្បីតទាល់ជាមួយក្រុម Los Blancos នៅយប់នេះ។
Dier និង de Ligt ទំនងជាចាប់ដៃគ្នាជាដៃគូការពារកណ្តាលរបស់ Bayern ទល់នឹង Real Madrid ជាពិសេសបន្ទាប់ពីការលេងមិនល្អទាល់តែសោះរបស់ Kim Minjae ក្នុងជើងទីមួយ។ ពួកគេនឹងត្រូវបានផ្តល់ភារកិច្ចក្នុងការបិទ Vinicius Junior, Rodrygo Goes, Jude Bellingham ខណៈដែល Musiala ជាអ្នកធ្វើព្យុះភ្លៀងទីខាង Real Madrid ។
តើយប់នេះ Bayern Munich ពិតជាអាចទម្លាក់ស្ដេចសរ Real Madrid ម្ចាស់ពាន ១៤សម័យរបស់ UCL បានទេ ? បើចង់ជ្រាបច្បាស់សូមរង់ចាំតាមដានទស្សនានៅលើផេក Cts Sports ដែលមានការ Live បន្ដផ្ទាល់ជូនបងប្អូនទស្សនាផងដែរ ។
ប្រភព Diario AS