អតីតអ្នកចាំទីនៅក្លឹប Real Madrid គឺលោក Iker Casillas បានបើកភ្លើងខៀវជុំវិញការសម្រេចចិត្តវិលត្រលប់ទៅក្លឹបចាស់របស់ខ្លួននៅថ្ងៃខាងមុខ ប៉ុន្តែមិនបញ្ជាក់ច្បាស់ថាជាតំណែងអ្វីនោះទេ។
បញ្ជាក់ថា Casillas ជាអតីតកីឡាកររបស់ Real Madrid ដែលចាយពេលជាង ២ ទសវត្សនៅទីនោះ ហើយលោកបានបង្កើតកំណត់ត្រាជាច្រើន មុនចាកចេញទៅក្លឹប FC Porto និងប្រកាសចូលនិវត្ត ដោយសារជំងឺបេះដូង។
ប្រាប់នៅកម្មវិធីរបស់ Europa Press បុរសសញ្ជាតិអេស្ប៉ាញនិយាយ៖ “ការពិតទៅវាពិតជារឿងដ៏ល្អ ដោយខ្ញុំបានសាងប្រវត្តិសាស្រ្តនៅ Real Madrid យូរណាស់មកហើយ ដោយរយៈពេល ២៥ ឆ្នាំឯណោះ អ៊ីចឹងខ្ញុំច្បាស់ថាមានអារម្មណ៍ល្អជាមួយក្លឹប”។
លោកបន្ថែមទៀតថា៖ “ខ្ញុំមិនបដិសេធឱកាសនៃការវិលត្រលប់នោះទេ ជាពិសេសគឺការរស់នៅក្នុងទីក្រុង Madrid ដោយវាជាពេលវេលាដែលខ្ញុំរីករាយជាមួយខ្លាំងបំផុត ហើយខ្ញុំនឹងវិលត្រលប់ទៅបម្រើការនៅផ្នែកណាមួយដែលទាក់ទិននឹងបាល់ទាត់ ក្នុងពេលដ៏ខ្លីឬនៅពេលខាងមុខណាមួយ”៕
ប្រភព៖ BeSoccer