ក្រុមអ្នកមានបុណ្យ FC Barcelona បានយកឈ្នះលើក្រុម Real Sociedad ក្នុងលទ្ធផល ២-១ សម្រាប់ការប្រកួតពានរង្វាន់ La Liga នៅយប់មិញនេះ។
ក្នុងការប្រកួតនេះ ក្រុមភ្ញៀវ Sociedad ជាអ្នករកគ្រាប់បាល់នាំមុខមុន ប៉ុន្តែត្រូវម្ចាស់ផ្ទះ Barcelona វាយបកតាមស្មើនិងនាំមុខជាថ្មីបាននៅតង់ទី១តែម្ដង។ ដោយឡែកនៅតង់ទី២វិញ មិនមានគ្រាប់បាល់កើតឡើងឡើយ បើទោះជាក្រុមអ្នកមានបុណ្យបន្ដសម្រុកបន្ថែមទៀតក៏ដោយ។
សម្រាប់ការលេងប្រកួតនេះ Jordi Alba ដែលរកបាន១គ្រាប់ដែរនោះបាននិយាយថា៖ “វាជាការធ្វើបានល្អបំផុតរបស់យើងនៅតង់ទី១ ហើយវាជាការធ្វើបានល្អជាងគេនៅឆ្នាំនេះផងដែរ។ ប្រកួតនេះ ខ្ញុំសប្បាយចិត្តជាមួយកាយវិការនិងការតាំងចិត្តលេងរបស់ក្រុមយើង”៕ប្រភព Marca