ទីផ្សារដោះដូរកីឡាករមុនបើករដូវកាល២០២១ក្លិបភ្នំពេញក្រោនទទួលបានកីឡាករ៣នាក់ហើយគិតមកដល់ពេលនេះហើយពួកគេក៏ជាក្លិបដែលមមារញឹកជាងគេផងដែរ។
គិតត្រឹមថ្ងៃទី២៧ខែវិច្ឆិកាឆ្នាំ២០២០នេះសម្រាប់កីឡាករចំណូលថ្មីពួកគេទិញបានកីឡាករ៣នាក់ហើយពោលគឺ ខ្សែបម្រើសាញ្ជាតិជប៉ុន Yudai Ogawa, ខ្សែប្រយុទ្ធប្រេស៊ីល Matheus Souza E Silva អតីតកីឡាកររបស់ក្លិបសូលទីឡូអង្គរ និងខ្សែការពារសញ្ជាតិខ្មែរ ឆុំ ភីសាដែលធ្លាប់ជាកីឡាកររបស់ខ្លួន។ ពួកគេនឹងមានវត្តមានក្នុងការជួយក្លិបក្រោមការដឹកនាំរបស់លោក Oleg ដែលមកកាន់តំណែងជាលើកទី២នៅភ្នំពេញក្រោន។
លើសពីនេះក្លិបក៏បានបន្តកុងត្រាដល់ខ្សែបម្រើប្រយុទ្ធសញ្ជាតិកូឡុំប៊ី Andrés Nieto មួយរដូវកាលទៀតផងដែរ។ចំណែកកីឡាករដែលចាកចេញចុងក្រោយគេបំផុតគឺខ្សែប្រយុទ្ធ Timothy Okereke ស្របពេលកីឡាករប្រេស៊ីល Paulo Victor ក៏បានចាកចេញទៅលេងនៅក្លិបលីគនកំពូលបារ៉ែនផងដែរ៕