សហព័ន្ធបាល់ទាត់អាហ្សង់ទីន បានសម្រេចប្ដូរឈ្មោះលីគ Professional League Cup របស់ខ្លួន ទៅជាមួយឈ្មោះ Maradona Cup វិញ ដើម្បីជាការរំលឹកដល់ការលះបង់របស់ Maradona ។
Diego Maradona បានលាចាកលោកនេះទៅហើយ ដោយសារតែគាំងបេះដូង បន្ទាប់ពីលោកធ្វើការវះកាត់ខួរក្បាលបាន៣សប្ដាហ៍មក។ ការបាត់បង់ធនធានមនុស្សក្នុងវិស័យបាល់ទាត់ម្នាក់នេះ បានធ្វើឱ្យគ្រប់គ្នាសោកសៅជាខ្លាំង ជាពិសេសអ្នកគាំទ្រក្នុងប្រទេសអាហ្សង់ទីនតែម្ដង។ ខណៈដែល Maradona នេះ ជាខ្សែប្រយុទ្ធម្នាក់ដែលជួយអាហ្សង់ទីន បានលើកពានរង្វាន់ World Cup ផងដែរ។
ដើម្បីជាការដឹងគុណនិងតបស្នងដល់ Maradona សហព័ន្ធបាល់ទាត់អាហ្សង់ទីនក៏សម្រេចចិត្តធ្វើរឿងមួយផងដែរ។ ដោយពួកគេបានសម្រេចប្ដូរឈ្មោះពានរង្វាន់ Professional League Cup របស់ខ្លួន ទៅជាមួយឈ្មោះ Maradona Cup វិញ៕ប្រភព Marca