Wayne Rooney មុនផ្ទេរមក Man Utd និងក្លាយជាកីឡាករកាន់ឆ្នាំនៅទីនោះ ដំបូងឡើយគេជាយុវជនថ្នាលរបស់ Everton ហើយបានចូលរួមលេងឲ្យឈុតរយៈពេល ២ ឆ្នាំ។
បង្ហើបកាលពីពេលថ្មីៗនេះ អតីតកីឡាករជម្រើសជាតិអង់គ្លេសបាននិយាយថា ដំបូងឡើយ Everton ធ្លាប់គិតចង់លក់ខ្លួនឲ្យទៅ Chelsea ព្រោះត្រូវការលុយប្រញាប់ដើម្បីដោះស្រាយបញ្ហានៃការចំណាយរបស់ក្លឹបពេលនោះ។
ប្រាប់សារព័ត៌មាន UTD Podcast កីឡាករវ័យ ៣៥ ឆ្នាំនិយាយ៖ “Everton ធ្លាប់ជួបបញ្ហាហិរញ្ញវត្ថុនៅពេលមួយនោះ ហើយខ្ញុំរកឃើញថាពួកគេចង់លក់ខ្ញុំចេញ ហើយព្យាយាមរុញឲ្យខ្ញុំចុះហត្ថលេខាជាមួយ Chelsea ព្រោះពួកគេត្រូវការលុយប្រញាប់”។
លោកបន្ថែម៖ “តែពេលមួយដែលខ្ញុំដឹងថា United ចាប់អារម្មណ៍ខ្ញុំដែរ ខ្ញុំក៏ព្យាយាមរកផ្លូវចុះហត្ថលេខាឲ្យពួកគេ ហើយពេលនោះខ្ញុំក៏ដឹងខ្លួនឯងរួចហើយដែរថាមានតែ United ទេ ជាក្លឹបមួយគត់ដែលខ្ញុំចង់ទៅ”៕
ប្រភព៖ Goal