ប្រធានក្លឹបរបស់ Real Madrid លោក Florentino Perez ត្រូវបានគេរាយការណ៍ ថាបានត្រៀមខ្លួនរួចរាល់ក្នុងការអនុញ្ញាតឲ្យប្រធានក្រុម Sergio Ramos ចាកចេញពីក្លឹបនៅឆ្នាំក្រោយ ២០២១។ នេះបើតាមប្រភពពី El Chiringuito TV បានចុះផ្សាយ។
កុងត្រារបស់កីឡាករអេស្ប៉ាញត្រូវផុតនៅថ្ងៃទី ៣១ មិថុនា ឆ្នាំ ២០២១ ក្រោយពីចាយពេលអស់ ១៥ ឆ្នាំនៅក្លឹប Real Madrid។
បើទោះបីជាសាមីខ្លួនមានបំណងចង់បន្តកុងត្រាថ្មីរយៈពេល ២ ឆ្នាំ ហើយគ្រោងនឹងចូលនិវត្តនៅក្លឹប Real Madrid នាឆ្នាំ ២០២៣ ក្តី តែសម្រាប់ Perez ហាក់ដូចជាមិនយល់ព្រមទាល់តែសោះ ពោលគឺចម្លើយអវិជ្ជមាន មានភាគរយខ្ពស់ជាង។
ប្រសិនត្រូវចាកចេញ ខ្សែការពារកណ្តាលលេងកាចរូបនេះទំនងជានឹងត្រូវផ្ទេរទៅក្លឹបថ្មី Paris Saint-Germain ក្រោយល្ហៀងៗថាមានសំណើប្រាក់ពលកម្មច្រើនក្រាស់ក្រែលធ្លាក់មកពីខាងភាគីនោះ៕ ប្រភព៖ Goal