ជារឿងគួរឱ្យភ្ញាក់ផ្អើលមួយនៅយប់មិញនេះ ខ្សែការពារ Sergio Ramos មានគ្រាប់បាល់ប៉េណាល់ទីដល់ទី២ដង ប៉ុន្តែរូបគេក៏ធ្វើមិនបានសម្រេចទាំងពីរដងផងដែរ។អេស្ប៉ាញលេងបានត្រឹមស្មើក្រុមស្វីសប៉ុណ្ណោះ ហើយគ្រាប់បាល់ស្មើនោះទៀតសោតគឺកើតឡើងនៅជិតចប់ការប្រកួតទៅហើយ។
ស្វីសក្រុមបាតតារាងបានបើកការនាំមុខមុនទៅលើក្រុមអេស្ប៉ាញតាំងពីនាទី២៦។ ខណៈដែលក្រុមអេស្ប៉ាញក៏បានព្យាយាមវាយសម្រុកវិញ រហូតដល់នាទី៥៧ ក៏មានបាល់ប៉េណាល់ទី១គ្រាប់។ ១គ្រាប់នេះ Ramos មិនអាចធ្វើបានសម្រេចឡើយ ហើយនាទី៨០ រូបគេក៏ទទួលបានប៉េណាល់ទី១គ្រាប់ទៀត នៅតែមិនអាចធ្វើបានសម្រេចដដែល។
គ្រាប់បាល់ដែលតាមបានស្មើនោះគឺជាគ្រាប់របស់ Moreno ធ្វើបានសម្រេចនៅនាទី៨៩ឯណោះ។ លទ្ធផលទទួលបាន១ពិន្ទុនេះ បានធ្វើឱ្យអេស្ប៉ាញធ្លាក់មកលេខ២ក្នុងតារាងទៅហើយ ខណៈដែលអាល្លឺម៉ង់ជាអ្នកឡើងទៅលេខ១កំពូលតារាងវិញ។ ការប្រកួតនៅសល់១ប្រកួតក្នុងដៃទៀត ទើបបញ្ចប់ក្នុងពូល៕
ប្រភព៖ DailyMail