ខ្សែការពារ Dani Alves បានបង្ហើបថាកាលពីខ្លួននៅលេងឱ្យ Juventus គឺក្រុម Barcelona មានឱកាសទិញយករូបគេត្រលប់ទៅវិញបាន ប៉ុន្តែថ្នាក់ដឹកនាំក្លឹបមិនព្រម។
មុនផ្លាស់ចេញ កីឡាករ Alves ជួយក្រុម Barcelona បាន៣៩១ប្រកួត រកបាន២១គ្រាប់ និងបញ្ជូនបាល់ឱ្យមិត្តរួមក្រុមស៊ុតបាន១០១គ្រាប់ចន្លោះឆ្នាំ២០០៨ដល់២០១៦។ ក្នុងរយៈពេលនោះ កីឡាករប្រេស៊ីលរូបនេះក៏បានឈ្នះពានរង្វាន់ដល់ទៅ២៣ពានផងដែរ។ នៅឆ្នាំ២០១៦កន្លងទៅនោះ Alves បានចាកចេញពី Barcelona ដោយ Free Transfer ប៉ុណ្ណោះ មិនមានតម្លៃខ្លួនទេ។
កីឡាករលេងស្លាបល្បឿនលឿននេះ បាននិយាយថា៖ “ខ្ញុំបានស្នើត្រលប់ទៅ Barca វិញ ខ្ញុំទៅ Juventus នៅគ្រានោះដើម្បីបញ្ជាក់ថាខ្ញុំនៅមានកម្រិតលេងល្អដដែល។ ខ្ញុំពិតជាចង់ត្រលប់ទៅ Barca វិញ ហើយពួកគេក៏ត្រូវការខ្ញុំដែរ ប៉ុន្តែពួកគេបែរជាមិនយកទៅវិញ។ ពួកគេគិតខុសចំពោះខ្ញុំ”៕
ប្រភព៖ Goal