ខ្សែប្រយុទ្ធ Cristiano Ronaldo បានជាសះស្បើយពីមេរោគកូវីដ១៩ហើយ ក្រោយពីធ្វើតេស្ដអវិជ្ជមានកាលពីម្សិលមិញនេះ និងអាចចូលហាត់ជាមួយក្រុមបានពេញលេញវិញតែម្ដង។
Ronaldo តាំងពីរកឃើញថាខ្លួនឆ្លងមេរោគអំឡុងពេលលេងឱ្យជម្រើសជាតិព័រទុយហ្គាល់មក រូបគេបានសម្រាកព្យាបាលជាច្រើនថ្ងៃមកហើយ និងអវត្តមានប្រកួតដល់ទៅ៤ប្រកួតឱ្យក្រុម Juventus ។ តែក្រោយមកទៀតនេះ ខ្សែប្រយុទ្ធវ័យ៣៥ឆ្នាំក៏បានធ្វើតេស្ដជាថ្មីម្ដងទៀត និងរកឃើញថាអវិជ្ជមានកូវីដ១៩ហើយ។
ក្រោយពីធ្វើតេស្ដរកឃើញថាអវិជ្ជមាននេះហើយ រូបគេនឹងអាចចូលលេងបានតែម្ដងឱ្យក្រុម Juventus នៅថ្ងៃអាទិត្យនេះ ដោយប៉ះជាមួយក្រុម Spezia ក្នុងពានរង្វាន់ Serie A មុនពេលបន្ដលេងពានរង្វាន់ UEFA Champions League ទល់ក្រុម Ferancvaros នៅថ្ងៃពុធសប្ដាហ៍ក្រោយ៕ប្រភព Marca