ក្លឹប Juventus បានសម្រេចចិត្តបើកសាលាបង្ហាត់បាល់ទាត់ក្មេងៗនៅប្រទេសវៀតណាម ក្នុងភាគខាងត្បូងក្រុង Ba Ria ខេត្ត Vung Tau។
បើតាមកាសែតវៀតណាមបានបញ្ជាក់ទៀតថា លោក Gianluca Settanni គ្រូបង្វឹកក្រុមថ្នាលយុវជនរបស់ក្លឹប Juventus នឹងមកប្រទេសវៀតណាមផ្ទាល់ ដើម្បីជ្រើសរើសកីឡាករសម្រាប់ចូលរួមក្នុងសាលាហ្វឹកហាត់មួយនេះ។ មួយវិញទៀត លោកនឹងប្រាប់បច្ចេកទេសមួយចំនួនដល់គ្រូបង្វឹកនៅវៀតណាមផ្ទាល់ដើម្បីធ្វើការងារបង្ហាត់បង្រៀនក្មេងៗនៅទីនេះ។ លើសពីនេះទៅទៀត លោក Gianluca Settanni ក៏អាចនឹងជួបជាមួយគ្រូបង្វឹកគ្រប់កម្រិតរបស់ជម្រើសជាតិវៀតណាមផងដែរ ដើម្បីដងស្រង់និងចែករំលែកបទពិសោធគ្នា អភិវឌ្ឍវិស័យបាល់ទាត់នៅវៀតណាម។
ការជ្រើសរើសនេះទៀតសោត គឺកីឡាករកើតចន្លោះឆ្នាំ ២០០៦ដល់២០០៩ នឹងមានឱកាសចូលរួមក្នុងសាលាថ្នាលយុវជនរបស់ Juventus នេះ ហើយប្រសិនបើពួកគេបានជាប់ឈ្មោះហើយ នឹងត្រូវហ្វឹកហាត់ក្នុងសាលារយៈពេល៧ឆ្នាំ។ ចំពោះការជ្រើសរើស នឹងធ្វើឡើងទូទាំងប្រទេសវៀតណាមតែម្ដង ប៉ុន្តែមិនទាន់បញ្ជាក់ថារើសប៉ុន្មាននាក់នៅឡើយទេ។
នេះជាសាលាដំបូងហើយដែល ក្លឹប Juventus បានបង្កើតសាលាថ្នាលនេះនៅតំបន់អាស៊ីអាគ្នេយ៍ហើយក៏សម្រេចចិត្តយកប្រទេសវៀតណាមតែម្ដង៕ប្រភព៖ English.vietnamnet
