Takefusa Kubo រកបាន១គ្រាប់ និងបញ្ជូនបាល់ឱ្យមិត្តរួមក្រុម២គ្រាប់ ជួយក្រុម Villarreal យកឈ្នះលើក្រុម Sivasspor ក្នុងលទ្ធផល ៥-៣ ពានរង្វាន់ Europa League ។
ក្រោយពីខកខានការប្រកួតជាច្រើននៅដើមរដូវកាលនេះ Kubo បានបង្ហាញវត្តមានឱ្យក្រុម Villarreal ជាផ្លូវការហើយក្នុងពានរង្វាន់ Europa League នៅយប់មិញ ទល់ក្រុមមកពីទួរគី Sivasspor ។ ជាលទ្ធផលឃើញថាយុវជនជប៉ុនម្នាក់នេះធ្វើបានល្អ ដោយរកបាន១គ្រាប់ និងបញ្ជូនបាល់ឱ្យមិត្តរួមក្រុមរកបាន២គ្រាប់ទៀត ក្នុងជ័យជម្នះ ៥-៣ ។
Villarreal បានខ្ចីជើង Kubo ពីក្រុម Real Madrid មក ដោយដាក់លក្ខខណ្ឌឱ្យរូបគេបង្ហាញខ្លួនក្នុងពានរង្វាន់កម្រិតអឺរ៉ុប។ ជាក់ស្ដែងនៅយប់មិញនេះ ពួកគេពិតជាបានដាក់មែន ហើយលទ្ធផលឃើញថាល្អដូចការរំពឹងទុក៕
ប្រភព៖ ManagingMadrid