ខ្សែបម្រើ Mezut Ozil នៅតែបង្ហាញការគាំទ្រដល់ក្លឹប Arsenal ដដែល ដោយគាំទ្រតាមកញ្ចប់ទូរទស្សន៍ ក្នុងការប្រកួតទល់ក្រុម Rapid Vienna ពានរង្វាន់ Europa League ។
កាំភ្លើងធំ បានយកឈ្នះលើក្រុម Rapid Vienna ក្នុងលទ្ធផល ២-១ នៅយប់មិញនេះ។ ដោយ២គ្រាប់របស់ក្រុម Arsenal ធ្វើបានដោយ David Luiz នាទី៧០ និង Aubameyang នាទី៧៤ ក្រោយពីត្រូវ Rapid នាំមុខនៅនាទី៥១ ដោយ Fountas ។ ក្នុងការប្រកួតនោះដែរ Ozil ដែលជាកីឡាករតម្លៃខ្លួនខ្ពស់ជាងគេ ៣៥០ ០០០ផោនក្នុង១សប្ដាហ៍ តែត្រូវក្លឹបដកឈ្មោះចេញមិនឱ្យលេងនោះក៏បានចេញមកគាំទ្រតាមទូរទស្សន៍ផងដែរ។
កីឡាករអាល្លឺម៉ង់ខាងលើបាននិយាយថានៅពេលរូបគេមិនអាចជួយក្រុមនៅលើទីលានបាន នោះមានតែវិធីមួយគត់គឺគាំទ្រពីចម្ងាយតាមរយៈកញ្ចប់ទូរទស្សន៍នៅក្រុងឡុងនេះឯង៕ប្រភព Dailymail
